Кун Думалэн депутатэз Андрей Исаев калыклэсь куронъёссэ быдэсъямез сярысь вераз
13.01.2023
Росси Кун Думаысь депутат Андрей Исаев Йӧскалык библиотекаын пумиськылӥз Удмуртиысь 33 номеро одӥг мандатъем округысь калыкен — ӵапак та округъя со быръемын вал Кун Думае. Та ужрадэ пыриськизы Кун Кенешысь депутатъёс но.
Андрей Исаев йылпумъянъёс лэсьтӥз ар ӵоже ужамезлы. Кун Думалэн 8-тӥ ӧтчамез ужзэ мытэм дырысен (2021-тӥ арын сентябрьысен) кылем арлэн пумозяз депутат сюлмаськемъя дасямын вал 39 законъёслэн проектъёссы. Соос пӧлысь 15-ез юнматэмын но быдэсъясько ни, 24-ез бордын матысь дыре ужано луоз на. Андрей Исаев сюлмаськемъя шаермылы федерал бюджетысь шӧдскымон юрттэт вуиз — 638 миллион 700 сюрс манет, со чакламын школаосты выльдонлы. 350 миллион манет вуиз ужтэк кылемъёслы юрттонлы, 1 миллиард 829 миллион манет — выль школаосты пуктонлы, 175 миллион манет — урамъёсты-сюресъёсты выльдонлы. Со сяна, 10 миллиард 679 манет вуиз элькунмылэсь кун долгзэ кулэстонлы-пытсанлы. Андрей Исаев пумиськонын нимысьтыз саклык висъяз «Единая Россия» партилэсь Калык программазэ быдэсъянлы. Отчы пыризы тужгес но сюлмаськытӥсь, лэчыт ужпумъёс. Шедизы отчы 33 номеро одӥг мандатъем округысь калыклэн куронъёсыз но. Депутат сюлмаськемъя округын пуктэмын но выльдэмын уно социальной объектъёс: Ижын Берш урамын ӝутэмын школа, 8 номеро поликлиника выжтэмын Серов ульчаысь выль юртэ, тупатъяны кутскемын Глазов ёросысь больница, Эграез Глазовен герӟась сюрес вылын выльдэмын Юнда шур вамен выж. Кылем арын дасямын инвалид нылпиослы чаклам «Адели» центрез тупатонъя проект: лэсьтӥськон ужъёслы уксё висъяське федерал центрысь. Со сяна, котькуд муниципал округын пуктылэмын нылпиослы шудыны, мугорез кыдатыны чаклам площадкаос. Андрей Исаев ивортэмъя, та ужъёслы висъямын вал 45 миллион манетлэсь ятыр.
«Лэсьтӥськон ужъёс азинтӥськозы, — шуиз Андрей Исаев. — Кылсярысь, усьтомы Дэри ёросысь Пыӵанки гуртысь но Ягул черкогуртысь школаосты, азинтэмын луоз Глазов ёросысь больницаез тупатъян — отын йӧнатӥсько тросаз уйпал ёросъёсын улӥсьёс, сое одно ик быдэсак выльдоно. Со сяна, муниципал округъёсын шуг-секытъёс кылдэмын ву гумыосын. Соосты выльдыны но федерал бюджетысь уксё шедьтыны тыршо. Али сямен ик, азьланяз но нимысьтыз саклык висъяськоз Калык программаез быдэсъянлы. Со улсын матысь аръёсы шаерамы пуктэмын луоз 7 выль школа, 4 модельной библиотека, выль поликлиникаос но ФАП-ёс».
Андрей Исаев йылпумъянъёс лэсьтӥз ар ӵоже ужамезлы. Кун Думалэн 8-тӥ ӧтчамез ужзэ мытэм дырысен (2021-тӥ арын сентябрьысен) кылем арлэн пумозяз депутат сюлмаськемъя дасямын вал 39 законъёслэн проектъёссы. Соос пӧлысь 15-ез юнматэмын но быдэсъясько ни, 24-ез бордын матысь дыре ужано луоз на. Андрей Исаев сюлмаськемъя шаермылы федерал бюджетысь шӧдскымон юрттэт вуиз — 638 миллион 700 сюрс манет, со чакламын школаосты выльдонлы. 350 миллион манет вуиз ужтэк кылемъёслы юрттонлы, 1 миллиард 829 миллион манет — выль школаосты пуктонлы, 175 миллион манет — урамъёсты-сюресъёсты выльдонлы. Со сяна, 10 миллиард 679 манет вуиз элькунмылэсь кун долгзэ кулэстонлы-пытсанлы. Андрей Исаев пумиськонын нимысьтыз саклык висъяз «Единая Россия» партилэсь Калык программазэ быдэсъянлы. Отчы пыризы тужгес но сюлмаськытӥсь, лэчыт ужпумъёс. Шедизы отчы 33 номеро одӥг мандатъем округысь калыклэн куронъёсыз но. Депутат сюлмаськемъя округын пуктэмын но выльдэмын уно социальной объектъёс: Ижын Берш урамын ӝутэмын школа, 8 номеро поликлиника выжтэмын Серов ульчаысь выль юртэ, тупатъяны кутскемын Глазов ёросысь больница, Эграез Глазовен герӟась сюрес вылын выльдэмын Юнда шур вамен выж. Кылем арын дасямын инвалид нылпиослы чаклам «Адели» центрез тупатонъя проект: лэсьтӥськон ужъёслы уксё висъяське федерал центрысь. Со сяна, котькуд муниципал округын пуктылэмын нылпиослы шудыны, мугорез кыдатыны чаклам площадкаос. Андрей Исаев ивортэмъя, та ужъёслы висъямын вал 45 миллион манетлэсь ятыр.
«Лэсьтӥськон ужъёс азинтӥськозы, — шуиз Андрей Исаев. — Кылсярысь, усьтомы Дэри ёросысь Пыӵанки гуртысь но Ягул черкогуртысь школаосты, азинтэмын луоз Глазов ёросысь больницаез тупатъян — отын йӧнатӥсько тросаз уйпал ёросъёсын улӥсьёс, сое одно ик быдэсак выльдоно. Со сяна, муниципал округъёсын шуг-секытъёс кылдэмын ву гумыосын. Соосты выльдыны но федерал бюджетысь уксё шедьтыны тыршо. Али сямен ик, азьланяз но нимысьтыз саклык висъяськоз Калык программаез быдэсъянлы. Со улсын матысь аръёсы шаерамы пуктэмын луоз 7 выль школа, 4 модельной библиотека, выль поликлиникаос но ФАП-ёс».