«Единая Россия» партиысь азьветлӥсьёс вуылӥзы 29 ветеранъёс-блокадникъёс доры
27.01.2023
27-тӥ толшор — Ленинградэз блокадалэсь мозмытон нунал. Солы сӥзьыса «Единая Россия» партиысь азьветлӥсьёс вуылӥзы 29 ветеранъёс-блокадникъёс доры. Кылсярысь, Кун Кенешысь депутат Катрин Селезнева, Ижкар Думаысь депутат Александр Головин, Россиысь «Волонтёры победы» движенилэн Удмуртиысь ёзэныз кивалтӥсь Роман Санников пумиськылӥзы Ада Аникееваен.
Война кутскыку, Ада Семёновналы 3 но ӝыны арес вал. Анай-атаеныз ӵош улӥз Ленинградын. Фашистъёс городэз котыртэм бӧрсьы мумиз но, бубиз но фронтэ кошкизы. Ада кылиз песянаез-песятаез вӧзы. Но соос 1942-тӥ арын, сютэм улыса, кулӥзы. Озьы нылашез келязы Барнаулэ. Отын ик Адалы похоронка вуэ: анаед но, атаед но быризы. Ярам коть, ӧжыт улыса, мукет ивор кылӥське: анаез улэп! Озьы анаеныз, варматаеныз ӵош Ада Ижевске вуэ. Татысь медициная кун институтэ дышетскыны пыре. Сое йылпумъяса, Ижысь 6 номеро больницаын гинекология отделениен кивалтэ. Сюлмысь тыршемзэ кивалтӥсьёс данъяло — «Россиысь тазалыкез утён удысысь дано ужась» ним сёто.
Война кутскыку, Ада Семёновналы 3 но ӝыны арес вал. Анай-атаеныз ӵош улӥз Ленинградын. Фашистъёс городэз котыртэм бӧрсьы мумиз но, бубиз но фронтэ кошкизы. Ада кылиз песянаез-песятаез вӧзы. Но соос 1942-тӥ арын, сютэм улыса, кулӥзы. Озьы нылашез келязы Барнаулэ. Отын ик Адалы похоронка вуэ: анаед но, атаед но быризы. Ярам коть, ӧжыт улыса, мукет ивор кылӥське: анаез улэп! Озьы анаеныз, варматаеныз ӵош Ада Ижевске вуэ. Татысь медициная кун институтэ дышетскыны пыре. Сое йылпумъяса, Ижысь 6 номеро больницаын гинекология отделениен кивалтэ. Сюлмысь тыршемзэ кивалтӥсьёс данъяло — «Россиысь тазалыкез утён удысысь дано ужась» ним сёто.