Чагыр эстӥськон дунтэк кыскыны быгатозы
24.01.2023 Удмурт Элькунысь Кун Кенешлэн Владимир Невоструев кивалтэм улсын туннэ ортчем сессияз нимаз коркаосы газ пыртонъя капчиятонъёс юнматӥсь кат кутэмын. Табере Удмуртиын куд-ог категориосысь адямиослы юртъёсазы чагыр эстӥськон пыртыны, кулэ луись тӥрлык басьтыны коньдонэн юрттэт сётэмын луоз.Выль документъя компенсация басьтыны быгатозы:
— Быдӟым тыложысь ветеранъёс;
— пичи ожъёсысь ветеранъёс;
— Быдӟым тыложысь но пичи ожъёсысь инвалидъёс;
— Быдӟым тыложын но пичи ожъёсын быремъёслэн семьяоссы;
— трос нылпиё семьяос;
— ёрмыса улӥсьёс, кудъёсызлэн доходзы улыны чаклам минимумлэсь ӧжытгес люкаське.
Огпол сётӥськись юрттэтлэн быдӟалаез 100 сюрс манетозь луоз. Сое адямиос кутозы ас чакламзыя: яке газ гумыосты участокетӥзы кысконлы, яке тӥрлык басьтонлы.
Ку, кызьы сётӥськоз компенсация — та радлыкез матысь дыре юнматоз Элькун Кивалтэт. Собере ик верамын луоз, кыӵе документъёс бичано, кытчы вазиськоно та понна.