Шаерамы азинтӥське «Ёлка желаний» акция
29.12.2022
Туэ «Ёлка желаний» акция 5-тӥзэ радъяське ни. Кивалтӥсьёс кызлэн вайысьтыз гожтэтъёсты басьто — нылпиослэсь гожтэм куронъёссэс быдэсто. Удмурт Элькунысь Кун Кенешлэн Тӧроез Владимир Невоструев быдэстӥз Уваысь Дарина нимо нылашлэсь куронзэ — «Алиса» сервис кузьмаз. Со пыр табере Дарина кылзоз выжыкылъёсты, кырӟанъёсты, тунсыко иворъёсты. Нылаш туж тунсыкъяське крезьгурен, соин ик шараяз на эшшо одӥг куронзэ: крезьгуро ужрадэ-празднике, пе, вуылэме потэ. Владимир Невоструев тазэ но куронзэ быдэстӥз: нылаш вуылӥз Операя но балетъя театрысь «Летучий кораблик» мюзиклэ.