Владимир Невоструев журналистъёсын пумиськиз
27.12.2022
Удмурт Элькунысь Кун Кенешлэн Тӧроез Владимир Невоструев журналистъёсын пумиськиз, ортчись арлы йылпумъянъёс лэсьтӥз, матысь аре быдэстон ужпумъёс сярысь вераз.
Туэ сентябре быръёнъёс бере Кун Кенешысь депутатъёс ог 50 процентэз воштӥськизы. Соос валче басьтӥськизы ни катъёс кылдытъян борды.
«Таяз ӧтчамын вань промышленностьын, ужбергатон, тазалыкез утён, дышетон но мукет удысъёсын трышисьёс, - шуиз Владимир Невоструев. – Озьыен, ми вань удысъёсысь югдурез валаса ужалом. Кылдытӥм ялан ужась комиссиосты, коткудаз шедизы бадӟым опытэн депутатъёс. Одӥгез валтӥсез курон – депутатъёслы пыр-поч ужано бырйисьёслэн курон-коснъёсынызы: кытын ке сюрес лэсьтэмзы яке синпелетсэс выльдэмзы потэ, кинлы ке люкаськылон инты кулэ но мукет. Одӥгез но вазиськон лыдэ басьтытэк медаз кыльы. Нош кызьы соосты быдэсъяло – та сярысь депутатъёс шара вераны кулэ бырйисьёссы азьын».
Кызьы пусйиз Кун Кенешлэн Тӧроез, ар ӵоже туж кулэ законъёс кутэмын вал. Соос коронавирус вакытэ но, спецоперация кутскем бере но экономикалы куашканы ӧз сётэ. Кылсярысь, ужбергатӥсьёслы капчиятонъёс сётэмен, калыклы ватсаса ужан инытос кылдытӥзы. Пичи ужбергатонэн вырисьёс 2017-тӥ арын бюджетэ ог 2 миллиард манет пыртӥзы ке вал, туэ 10 толэзь ӵоже 8 миллаирд манет выт тыризы ни.
«Бадӟым уж нуиськиз 2023-тӥ арлы бюджетэз дасянъя, - азинтӥз веранзэ Владимир Невоструев. – Со бордын трос ужазы комисссиосын но, фракциосын но – сюрслэсь ятыр поправкаос вуизы, бюджетлэсь доход но расход люкетъёссэ ог 10 миллиард манетлы йылтыны пӧрмиз».
Мар бордын ужалозы депутатъёс вуоно арын? Валтӥсь интыын кылёзы АПК, тазалыкез утён, дышетон, культура, калыклы улон-вылонын юртэт сётон, ужбергатон удысъёсын герӟаськем куд-ог ужпумъёс. Озьы ик законъёс кылдытъян уже тросгес кыскозы егит парламентарийёсты.
Элькунысьтымы егитъёс мыло-кыдо пырисько ни ПФО-ысь егит парламентарийёслэн ассоциацизылэн ужаз. Солэн вуоноез кенешонэз ӵапак Удмуртиын март толэзе ортчоз.
Та сяна, 2023-тӥ арын депутатъёс Правительствоен ӵош федерал казнаысь элькун бюджетэ тросгес коньдон кыскон бордын ужалозы. Одӥгез ӟеч амал – нацпроектъёсы пыриськон. Та вакытэ элькунамы 10 нацпроектъёс пыӵатӥсько: лэсьтӥсько сюресъёс, пуктӥсько но вылдьдӥсько школаос, гуртъёсын улон-вылон каньыла. Талы висъяськись уксё пӧлысь ог 90 процентэз лыктэ Россиысь.
Пумиськонэз йылпумъяса, журналистъёс юазы на: кытын пумиталоз Выль арез Кун Кенешлэн Тӧроез? Котьку сямен ик – семьяеным, шуиз Владимир Невоструев. Шутэтскон нуналъёсы со шаерысьтымы тунсыко, чебер интыосы вуылыны чакла.
Туэ сентябре быръёнъёс бере Кун Кенешысь депутатъёс ог 50 процентэз воштӥськизы. Соос валче басьтӥськизы ни катъёс кылдытъян борды.
«Таяз ӧтчамын вань промышленностьын, ужбергатон, тазалыкез утён, дышетон но мукет удысъёсын трышисьёс, - шуиз Владимир Невоструев. – Озьыен, ми вань удысъёсысь югдурез валаса ужалом. Кылдытӥм ялан ужась комиссиосты, коткудаз шедизы бадӟым опытэн депутатъёс. Одӥгез валтӥсез курон – депутатъёслы пыр-поч ужано бырйисьёслэн курон-коснъёсынызы: кытын ке сюрес лэсьтэмзы яке синпелетсэс выльдэмзы потэ, кинлы ке люкаськылон инты кулэ но мукет. Одӥгез но вазиськон лыдэ басьтытэк медаз кыльы. Нош кызьы соосты быдэсъяло – та сярысь депутатъёс шара вераны кулэ бырйисьёссы азьын».
Кызьы пусйиз Кун Кенешлэн Тӧроез, ар ӵоже туж кулэ законъёс кутэмын вал. Соос коронавирус вакытэ но, спецоперация кутскем бере но экономикалы куашканы ӧз сётэ. Кылсярысь, ужбергатӥсьёслы капчиятонъёс сётэмен, калыклы ватсаса ужан инытос кылдытӥзы. Пичи ужбергатонэн вырисьёс 2017-тӥ арын бюджетэ ог 2 миллиард манет пыртӥзы ке вал, туэ 10 толэзь ӵоже 8 миллаирд манет выт тыризы ни.
«Бадӟым уж нуиськиз 2023-тӥ арлы бюджетэз дасянъя, - азинтӥз веранзэ Владимир Невоструев. – Со бордын трос ужазы комисссиосын но, фракциосын но – сюрслэсь ятыр поправкаос вуизы, бюджетлэсь доход но расход люкетъёссэ ог 10 миллиард манетлы йылтыны пӧрмиз».
Мар бордын ужалозы депутатъёс вуоно арын? Валтӥсь интыын кылёзы АПК, тазалыкез утён, дышетон, культура, калыклы улон-вылонын юртэт сётон, ужбергатон удысъёсын герӟаськем куд-ог ужпумъёс. Озьы ик законъёс кылдытъян уже тросгес кыскозы егит парламентарийёсты.
Элькунысьтымы егитъёс мыло-кыдо пырисько ни ПФО-ысь егит парламентарийёслэн ассоциацизылэн ужаз. Солэн вуоноез кенешонэз ӵапак Удмуртиын март толэзе ортчоз.
Та сяна, 2023-тӥ арын депутатъёс Правительствоен ӵош федерал казнаысь элькун бюджетэ тросгес коньдон кыскон бордын ужалозы. Одӥгез ӟеч амал – нацпроектъёсы пыриськон. Та вакытэ элькунамы 10 нацпроектъёс пыӵатӥсько: лэсьтӥсько сюресъёс, пуктӥсько но вылдьдӥсько школаос, гуртъёсын улон-вылон каньыла. Талы висъяськись уксё пӧлысь ог 90 процентэз лыктэ Россиысь.
Пумиськонэз йылпумъяса, журналистъёс юазы на: кытын пумиталоз Выль арез Кун Кенешлэн Тӧроез? Котьку сямен ик – семьяеным, шуиз Владимир Невоструев. Шутэтскон нуналъёсы со шаерысьтымы тунсыко, чебер интыосы вуылыны чакла.