Удмурт Элькунысь кивалтэтлы тӧрое юнматэмын Ярослав Семенов
30.11.2022
Ярослав Семеновлэсь кандидатуразэ 29-тӥ шуркынмонэ ортчем Кун Кенешлэн сессияз ӵектӥз Удмуртилэн Тӧроез Александр Бречалов.
«Ярослав Владимировичез тӥ умой тодӥськоды ни. Удмуртилэн командаяз со вуиз 5 ар талэсь азьло, та дыр куспын быгатыса радъяз Удмурт Кивалтэтлэсь ужзэ. Нимысьтыз чакласа возиз лэсьтӥськон, ЖКХ, экология, сюрес возён но мукет удысъёсты. Куд-ог ужъёс борды Правительстволы нырысьсэ басьтӥськоно луиз. Кылсярысь, пӧям дольщикъёслэн — 647 муртлэн — правооссы утемын, соослы чаклам 9 коркаосты ӝутон йылаз-пумаз вуттэмын», - шуиз Александр Бречалов.
Удмуртилэн Тӧроез озьы ик тупен-тупен вераз, кыӵе азинсконъёс басьтэмын улон юртъёс пуктонын, сюресъёсты тупатъянын, гуртъёсы газ, Интернет вуттонын.
Кызьы пусйиз Ярослав Семенов, азьвыл сямен, матысь аръёсы но валтӥсь интыын луоз адями.
«Юрттэтлы уката кулэясько егит специалистъёс, нылпиосын семьяос, инвалидъёс, пенсионеръёс. Туэ элькун казнаысь 78 процентэз уксё кошкиз социальной удыслы — уждун, пенсиос, пособиос тыронлы. Малпасько, шонер лэсьтэмын. Калыклэн улон-вылонзэ ӟечомытыны юртто Россилэн Президентэныз Владимир Путинэн ялэм национальной проектъёс — республикамы со проектъёсы одно пыриськоз. Луозы бадӟым пуктӥськонъёс но, кылсярысь, туссэс воштозы Кизнерысь чугун вокзал, пыӵал-тӥрлык поттон заводлэн Валтӥсь корпусэз, Ижысь аэропорт. Ву, шуныт сётон гумыосты выльдонъя уж азинтӥськоз», - пусйиз Ярослав Семенов.
Кун Кенешысь депутатъёс лушкем амалэн куара сётыса Ярослав Семеновез элькун кивалтэтлы тӧрое юнматонлы дурбасьтэмзэс веразы. Кун Кенешлэн сессиез ортчон нуналэ ик депутатъёслэсь соглаш луэмзэс лыдэ басьтыса Удмуртилэн Тӧроез Александр Бречалов Ярослав Семеновез элькун кивалтэтлы тӧрое юнматон сярысь указ гожтӥз.
«Ярослав Владимировичез тӥ умой тодӥськоды ни. Удмуртилэн командаяз со вуиз 5 ар талэсь азьло, та дыр куспын быгатыса радъяз Удмурт Кивалтэтлэсь ужзэ. Нимысьтыз чакласа возиз лэсьтӥськон, ЖКХ, экология, сюрес возён но мукет удысъёсты. Куд-ог ужъёс борды Правительстволы нырысьсэ басьтӥськоно луиз. Кылсярысь, пӧям дольщикъёслэн — 647 муртлэн — правооссы утемын, соослы чаклам 9 коркаосты ӝутон йылаз-пумаз вуттэмын», - шуиз Александр Бречалов.
Удмуртилэн Тӧроез озьы ик тупен-тупен вераз, кыӵе азинсконъёс басьтэмын улон юртъёс пуктонын, сюресъёсты тупатъянын, гуртъёсы газ, Интернет вуттонын.
Кызьы пусйиз Ярослав Семенов, азьвыл сямен, матысь аръёсы но валтӥсь интыын луоз адями.
«Юрттэтлы уката кулэясько егит специалистъёс, нылпиосын семьяос, инвалидъёс, пенсионеръёс. Туэ элькун казнаысь 78 процентэз уксё кошкиз социальной удыслы — уждун, пенсиос, пособиос тыронлы. Малпасько, шонер лэсьтэмын. Калыклэн улон-вылонзэ ӟечомытыны юртто Россилэн Президентэныз Владимир Путинэн ялэм национальной проектъёс — республикамы со проектъёсы одно пыриськоз. Луозы бадӟым пуктӥськонъёс но, кылсярысь, туссэс воштозы Кизнерысь чугун вокзал, пыӵал-тӥрлык поттон заводлэн Валтӥсь корпусэз, Ижысь аэропорт. Ву, шуныт сётон гумыосты выльдонъя уж азинтӥськоз», - пусйиз Ярослав Семенов.
Кун Кенешысь депутатъёс лушкем амалэн куара сётыса Ярослав Семеновез элькун кивалтэтлы тӧрое юнматонлы дурбасьтэмзэс веразы. Кун Кенешлэн сессиез ортчон нуналэ ик депутатъёслэсь соглаш луэмзэс лыдэ басьтыса Удмуртилэн Тӧроез Александр Бречалов Ярослав Семеновез элькун кивалтэтлы тӧрое юнматон сярысь указ гожтӥз.