Кун Кенешлэн кыкетӥ сессиез ужзэ мытӥз

Туннэ Ижкарын Владимир Невоструев кивалтэм улсын ужзэ мытӥз Удмурт Элькунысь Кун Кенешлэн сизьыметӥ ӧтчамезлэн кыкетӥ сессиез. Депутатъёс 31 ужпумъёсты эскерозы. Со пӧлысь 20-эз герӟаськемын элькун кат ӵектосъёсын.
Эскероно законопроектъёс пӧлын — Удмурт Элькунлэн 2023-тӥ арлы но 2024-тӥ но 2025-тӥ аръёслы бюджетэз сярысь законлэн ӵектосэз. Сое туннэ нырысетӥ лыдӟемен кутыны чакламын.