Якшур гуртын Быдӟым Атыкай ож кутскем дырысен 80 ар тырмонлы сӥзем Буре ваён урок ортчиз
13.05.2021
Дэри ёросысь Якшур гуртын 12 куартолэзе Быдӟым Атыкай ож кутскем дырысен 80 ар тырмонлы сӥзем Буре ваён урок ортчиз. Со «Дорогой Памяти к Победе» ӵектос улсын радъяськиз.
Ужрадэ пыриськизы Кун Кенешысь «Единая Россия» фракцилэн кивалтӥсез Елена Дербилова, Дэри ёрос Администрациысь дышетонъя управленилэн кивалтӥсез Наталья Красноперова, Удмуртилэн Дано кунмуртэз, отставкаысь генерал-майор Владимир Орехов, Афган ожысь инвалидъёслэн огъя росси огазеяськонзылэн Удмуртиысь ёзэныз кивалтӥсь Сергей Морозов, школаын дышетскисьёс, дышетӥсьёс, Якшурын улӥсьёс но лыктэм куноос.
Урок Казаньысь 175№ гимназиын бырыны сюремъёсты буре вайыса чус улон минутысен кутскиз.
Урок ӵоже Быдӟым Атыкай ожлэн историез но отчы пыриськем улосчиосмы сярысь вераськон мынӥз.
Егитъёслы вазиськыса, Елена Дербилова пусйиз историез тодэмлэсь кулэлыксэ. Войналэн нырысетӥ нуналаз ик тушмонэн нюръяськонэ Удмуртиысь 300 пала ожгарчиос пыриськизы. Ог 200-эз соос бырыны сюризы. 22 инвожоысен ёросъёсысь военкоматъёсы, фронтэ куриськыса, трос адями кыстӥськиз, пӧсьтолэзь кутсконлы ожмаськонэ мыныны мылкыд карисьёс 3 сюрс пала вал ини. Ваньзэ война аръёс ӵоже Удмуртия Горд Армие 360 сюрслэсь ятыр нылъёсссэ но пиоссэ келяз.
Ижкарысь заводъёс фронтэ 11 миллионлэсь ятыр ыбылӥськон пыӵал-тӥрлык лэзизы. Со сомындагес ик, кӧня 4 ар ӵоже поттӥз США-лэн быдэс промышленностез, 2 поллы ятыргес Германиысь вань заводъёсын лэсьтэм ожгар тӥрлыклэсь. Элькунысьтымы гуртоос вакчи дыр куспын 146 иськемлэсь кузь Ижевск-Балезино чугун сюресэз лэсьтӥзы. 400-лэсь трос врачъёс Удмуртие интыям госпитальёсын сӧсыртэм ожгарчиосты йӧнатӥзы.
Улосчиосмылэсь тыршемзэс вунэтыны уг яра. Туала егитъёс асьсэ уженызы Атыкай музъеммылэсь данзэ ӝутыны кулэ, шуиз Елена Дербилова.
Буре ваён урокез йылпумъяса, отчы пыриськисьёс ожын бырем гуртоослы сӥзем синпелет доры сяська керттэт понӥзы.
Ужрадэ пыриськизы Кун Кенешысь «Единая Россия» фракцилэн кивалтӥсез Елена Дербилова, Дэри ёрос Администрациысь дышетонъя управленилэн кивалтӥсез Наталья Красноперова, Удмуртилэн Дано кунмуртэз, отставкаысь генерал-майор Владимир Орехов, Афган ожысь инвалидъёслэн огъя росси огазеяськонзылэн Удмуртиысь ёзэныз кивалтӥсь Сергей Морозов, школаын дышетскисьёс, дышетӥсьёс, Якшурын улӥсьёс но лыктэм куноос.
Урок Казаньысь 175№ гимназиын бырыны сюремъёсты буре вайыса чус улон минутысен кутскиз.
Урок ӵоже Быдӟым Атыкай ожлэн историез но отчы пыриськем улосчиосмы сярысь вераськон мынӥз.
Егитъёслы вазиськыса, Елена Дербилова пусйиз историез тодэмлэсь кулэлыксэ. Войналэн нырысетӥ нуналаз ик тушмонэн нюръяськонэ Удмуртиысь 300 пала ожгарчиос пыриськизы. Ог 200-эз соос бырыны сюризы. 22 инвожоысен ёросъёсысь военкоматъёсы, фронтэ куриськыса, трос адями кыстӥськиз, пӧсьтолэзь кутсконлы ожмаськонэ мыныны мылкыд карисьёс 3 сюрс пала вал ини. Ваньзэ война аръёс ӵоже Удмуртия Горд Армие 360 сюрслэсь ятыр нылъёсссэ но пиоссэ келяз.
Ижкарысь заводъёс фронтэ 11 миллионлэсь ятыр ыбылӥськон пыӵал-тӥрлык лэзизы. Со сомындагес ик, кӧня 4 ар ӵоже поттӥз США-лэн быдэс промышленностез, 2 поллы ятыргес Германиысь вань заводъёсын лэсьтэм ожгар тӥрлыклэсь. Элькунысьтымы гуртоос вакчи дыр куспын 146 иськемлэсь кузь Ижевск-Балезино чугун сюресэз лэсьтӥзы. 400-лэсь трос врачъёс Удмуртие интыям госпитальёсын сӧсыртэм ожгарчиосты йӧнатӥзы.
Улосчиосмылэсь тыршемзэс вунэтыны уг яра. Туала егитъёс асьсэ уженызы Атыкай музъеммылэсь данзэ ӝутыны кулэ, шуиз Елена Дербилова.
Буре ваён урокез йылпумъяса, отчы пыриськисьёс ожын бырем гуртоослы сӥзем синпелет доры сяська керттэт понӥзы.