Кун Кенешлэн Президиумезлэн ёзчиосыз Удмуртиысь эпидемиологи югдурез эскеризы
19.01.2021Туннэ Кун Кенешлэн Президиумезлэн ёзчиосыз шаерамы та дырлы кылдэм эпидемиологи югдурен тодматскизы. Дистанционной амалэн ортчем кенешонэ пыриськизы Элькун Кивалтэтлэн Тӧроезлэн воштӥсез Эльвира Пинчук но Удмуртиысь тазалыкез утёнъя министр Георгий Щербак.
Кызьы пусйиз Эльвира Пинчук, 19 толшорлы Удмуртиын коронавирусэн черлан
23 648 учыр пусъемын, 19 782 мурт йӧнатэмын. Эмъяськонниосын дасям 44,7 процентэз интыос бушесь. Та дырлы коронавирусэн висисьёслы 14 эмъяськонниосын 2752 инты дасямын. Ижкарысь 6№ Кар поликлиникаын ватсаса 250 инты тупатъяло на. Озьы ваньзэ-ӧвӧлзэ 3002 инты луоз. 1539-эз доры кислород кыскемын, 345-яз – ИВЛ аппаратъёс.
COVID-отделениосын 1 470 эмчиос тыршо. 375-ез со – врачъёс, 655-ез – шоръёзо но 440-ез – покчиёзо ӧнерчиос. Эмъяськонниосын 9 компьютер томограф ужа. Эскеронъёсты 13 лабораториос нуо. Уй-нунал ӵоже соос 10700 тестъёсты эскерыны быгато.
Эльвира Пинчуклэн верамезъя, эмъюмъёс шаерамы тырмыт. Коронавирус инфекциен черламъёслы соосты дунтэк сёто. Со понна улосвыл коньдэтын 60 миллион манет висъямын. Со сяна, ватсаса 56,4 миллион манет федерал бюджетысь вуиз. Со 7 сюрслэсь трос висисьёслы тырмоз. Та дыре амбулаторной амалэн 2285 мурт йӧнатӥське.
Куарусён пумысен элькунын нимысьтыз call-центр ужа. Со пыр адямиос приёме гожтӥськыны, эмчиез доразы ӧтьыны, юанъёссылы валэктон басьтыны быгато.
Эмчиослы тыронъёс лэсьтыны федерал бюджетын 1 миллиард 133,5 миллион манет чакламын. Ватсаса элькунмылы эшшо 74,1 миллион манет сётэмын на. Коньдон быдэсак эмъяськонниосы лэземын. Эмудысын ужасьёслы элькун бюджетысь 2020 арын 22 миллион манет висъямын. Со сяна, 124 эмчиос та дыре карысь кунокуаосын уло но сисько, 784 ӧнерчиослы эмъяськонниосын нуналаз куинь пол дунтэк пось сиён сётӥське.
18 толшоре коронавирус инфекцилы пумит огъя вакцинация кутскиз. Та дырлы Удмуртие «Спутник V» (Гам-Ковид-Вак) 5 442 доза вакцина вуиз, толшор-тулыспал толэзьёсы эшшо 60 сюрслэсь ятыр доза вуыны кулэ.
Эльвира Пинчук тау каремзэ вераз элькун парламентысь депутатъёслы, нимысьтыз Кун Кенешлэн Тӧроезлы Владимир Невоструевлы но солэн Нырысетӥ воштӥсезлы Надежда Михайловалы валче уж понна.
Владимир Невоструев пусйиз, шаерамы калыклэсь тазалыксэ утён но эмчиослы юрттон понна бадӟым уж ортчытэмын ини. Со азьланьтӥськоз на, оскытӥз спикер. Али со вакцинопрофилактикая ужез радъянлы но калык пӧлын та ласянь валэктон уж ортчытонлы бадӟымгес саклык висъяны куриз.
Кызьы пусйиз Эльвира Пинчук, 19 толшорлы Удмуртиын коронавирусэн черлан
23 648 учыр пусъемын, 19 782 мурт йӧнатэмын. Эмъяськонниосын дасям 44,7 процентэз интыос бушесь. Та дырлы коронавирусэн висисьёслы 14 эмъяськонниосын 2752 инты дасямын. Ижкарысь 6№ Кар поликлиникаын ватсаса 250 инты тупатъяло на. Озьы ваньзэ-ӧвӧлзэ 3002 инты луоз. 1539-эз доры кислород кыскемын, 345-яз – ИВЛ аппаратъёс.
COVID-отделениосын 1 470 эмчиос тыршо. 375-ез со – врачъёс, 655-ез – шоръёзо но 440-ез – покчиёзо ӧнерчиос. Эмъяськонниосын 9 компьютер томограф ужа. Эскеронъёсты 13 лабораториос нуо. Уй-нунал ӵоже соос 10700 тестъёсты эскерыны быгато.
Эльвира Пинчуклэн верамезъя, эмъюмъёс шаерамы тырмыт. Коронавирус инфекциен черламъёслы соосты дунтэк сёто. Со понна улосвыл коньдэтын 60 миллион манет висъямын. Со сяна, ватсаса 56,4 миллион манет федерал бюджетысь вуиз. Со 7 сюрслэсь трос висисьёслы тырмоз. Та дыре амбулаторной амалэн 2285 мурт йӧнатӥське.
Куарусён пумысен элькунын нимысьтыз call-центр ужа. Со пыр адямиос приёме гожтӥськыны, эмчиез доразы ӧтьыны, юанъёссылы валэктон басьтыны быгато.
Эмчиослы тыронъёс лэсьтыны федерал бюджетын 1 миллиард 133,5 миллион манет чакламын. Ватсаса элькунмылы эшшо 74,1 миллион манет сётэмын на. Коньдон быдэсак эмъяськонниосы лэземын. Эмудысын ужасьёслы элькун бюджетысь 2020 арын 22 миллион манет висъямын. Со сяна, 124 эмчиос та дыре карысь кунокуаосын уло но сисько, 784 ӧнерчиослы эмъяськонниосын нуналаз куинь пол дунтэк пось сиён сётӥське.
18 толшоре коронавирус инфекцилы пумит огъя вакцинация кутскиз. Та дырлы Удмуртие «Спутник V» (Гам-Ковид-Вак) 5 442 доза вакцина вуиз, толшор-тулыспал толэзьёсы эшшо 60 сюрслэсь ятыр доза вуыны кулэ.
Эльвира Пинчук тау каремзэ вераз элькун парламентысь депутатъёслы, нимысьтыз Кун Кенешлэн Тӧроезлы Владимир Невоструевлы но солэн Нырысетӥ воштӥсезлы Надежда Михайловалы валче уж понна.
Владимир Невоструев пусйиз, шаерамы калыклэсь тазалыксэ утён но эмчиослы юрттон понна бадӟым уж ортчытэмын ини. Со азьланьтӥськоз на, оскытӥз спикер. Али со вакцинопрофилактикая ужез радъянлы но калык пӧлын та ласянь валэктон уж ортчытонлы бадӟымгес саклык висъяны куриз.