Прокуратураын ужасьёс ӧнер праздниксэс пусйизы

Туннэ Ижкарын прокуратура удысын ужасьёслэн ӧнер праздниксылы сӥзем сиё-дано ужрад ортчиз. Удмуртилэн Тӧроеныз Александр Бречаловен но Элькунъя Валтӥсь федерал инспекторен Сергей Пановен ӵош отчы пыриськиз Кун Кенешлэн Тӧроезлэн Нырысетӥ воштӥсез Надежда Михайлова.
Вице-спикер, тазалыкез утёнъя, демографи но семья политикая ялан ужась ӧрилэн кивалтӥсез люкаськемъёслы мерлык ласянь тужгес ляб утем калыкен – быдэ вумтэосын, куанер улӥсьёсын, трос нылпиё семьяосын ужамзы понна тау кариз. Берло куинь ар ӵоже соослы юрттэт сётонъя уно катъёс кутэмын, соос пӧлын – трос нылпиё семьяослы транспортъя вытэз кулэстон сярысь закон. Уноез катъёс ӵапак прокуратуралэн кичӧлтэмезъя кылдӥзы, пусйиз Надежда Михайлова. Кун Кенешлэн Тӧроезлэн Владимир Невоструевлэн нимыныз со прокуратураын ужасьёсты ӧнер праздникенызы ӟечкылаз.
Сӥё-дано ужрадын тужгес устоооссэ ужасьёсты Удмурт Элькунлэн но ведомствоослэн данъетъёсынызы пусйизы.