Удмуртиын мерлыко юрттэтъёслэсь пӧртэмлыксэс паськытатӥзы

Кун Кенешлэн кызь укмысэтӥ сессиезлэн кыкетӥ кенешоназ депутатъёс «Удмурт элькунын улӥсьёслы мерлыко юрттэт сётон сярысь» катлэн 12 ёзэтаз воштонъёс пыртӥзы.
Та дырозь шаерамы 25 пумо мерлыко услугаос сётӥсько ке вал, табере 68 луиз. Кылсярысь, выль юрттӥськетъёс пӧлы пыро:
- ляб тазалыко адямиез кыре-буре поръяны поттан;
- эмъяськонниын висьыса кыллись муртэ эскерыны ветлон;
- инвалид пиналэз доразы будэтӥсь анай-атайёслы юрттӥськон;
- сӧсыр нылпиен возиськон-утиськон;
- висись муртэн вераськон-кенешон но трос мукет юрттӥськетъёс.
Таӵе ужъёсты ёросъёсысь мерлыко юрттэт сётонъя центръёс быдэсъялозы. Услугаослэсь лыдзэс 2 поллы будэтыса, огназы улӥсь арлыдоослэн но инвалид-нылпиослэн, озьы ик соослэн семьяоссылэн улон-вылонзы капчигес луоз.
Та выллем воштӥськонъёс Россиысь кӧня ке улосъёсын пилотной ӵектос чотын кутскемын ни. Нош Удмуртиын уж мытӥськоз вуоно арысен.