Красногорское черкогуртын спортъя 29-тӥ гужем гурт шудонъёс усьтӥськизы
14.08.2020
Кун Кенешысь депутатъёс спортъя 29-тӥ гужем гурт шудонъёсты усьтон сё-дано ужрадэ пыриськизы. Делегациен кивалтӥз элькун парламентлэн Тӧроез Владимир Невоструев.
Туэ шудонъёс Красногорское черкогуртын ортчо. Соос Удмуртилэн кунлыкезлы 100 ар тырмонлы но Быдӟым Атыкай ожын Вормонлэн 75 ар тырмонэзлы сӥземын.
Шудонъёсты усьтон ужрадэ Элькунлэн Тӧроез Александр Бречалов пыриськиз.
Гурт спортсменъёслэн ӵошатсконъёссылы Красногорскоеын физкультурая но тазалыкез юнматонъя огъет, стадион лэсьтэмын. Элькун бюджетысь со понна 160 миллион манетлэсь ятыр коньдон висъямын, ог 35 миллион манет лэзиз «Газпром социальные инициативы» Фонд.
Шудонъёслы дасяськон улсын черкогурт но выльдӥськиз: тупатъямын 5 иськем сюресъёс, администрацилэн юртэз вӧзысь сквер, ёрос гимназилэн, школалэн юртъёссы но ёрос культура Юрт, урамъёсын кылдӥзы выль арт-объектъёс. Ӝоген йылаз-пумаз вуттэмын луоз нылпи садлэсь юртсэ тупатъян.
Ӵошатсконъёсы Удмуртилэн вань ёросъёсысьтыз 800 пала спортсменъёс пырисько. Ужрад Роспотребнадзорлэсь санитар куронъёссэ чакласа ортчытӥськоз.
Туэ шудонъёс Красногорское черкогуртын ортчо. Соос Удмуртилэн кунлыкезлы 100 ар тырмонлы но Быдӟым Атыкай ожын Вормонлэн 75 ар тырмонэзлы сӥземын.
Шудонъёсты усьтон ужрадэ Элькунлэн Тӧроез Александр Бречалов пыриськиз.
Гурт спортсменъёслэн ӵошатсконъёссылы Красногорскоеын физкультурая но тазалыкез юнматонъя огъет, стадион лэсьтэмын. Элькун бюджетысь со понна 160 миллион манетлэсь ятыр коньдон висъямын, ог 35 миллион манет лэзиз «Газпром социальные инициативы» Фонд.
Шудонъёслы дасяськон улсын черкогурт но выльдӥськиз: тупатъямын 5 иськем сюресъёс, администрацилэн юртэз вӧзысь сквер, ёрос гимназилэн, школалэн юртъёссы но ёрос культура Юрт, урамъёсын кылдӥзы выль арт-объектъёс. Ӝоген йылаз-пумаз вуттэмын луоз нылпи садлэсь юртсэ тупатъян.
Ӵошатсконъёсы Удмуртилэн вань ёросъёсысьтыз 800 пала спортсменъёс пырисько. Ужрад Роспотребнадзорлэсь санитар куронъёссэ чакласа ортчытӥськоз.