Владимир Невоструев Глазов ёросысь Егитъёслэн парламентсылэн ёзчиосыныз пумиськылӥз
05.08.2020
Туннэ Кун Кенешлэн Тӧроез Владимир Невоструев Глазов ёросысь Егитъёслэн парламентсылэн выль ёзчиосыныз пумиськылӥз. Выль ӧтчам ужоскетъёссэ 21 пӧсьтолэзьысен быдэсъяны кутскиз. Пумиськонэ озьы ик пыриськиз Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсез Татьяна Ишматова.
Владимир Невоструев пусйиз, егитъёс туннэ ёрослэн, карлэн но элькунлэн улоназы бадӟым инты басьто шуыса. Егитъёслэн парламентъёссы нош тужгес сэзь малпанъёсты улонэ пыӵатыны, выль эшъёс шедьтыны но вордӥськем музъемлы пайда вайыны луонлыкъёсты усьто.
Глазов ёросысь егит парламентарийёс со – дышетскись но ужась муртъёс, вань гурт, дышетон, спорт но физкультура удысын тыршисьёс, иворъёсты вӧлмытон технологиосын ужась муртъёс. Уноез удмурт кылын верасько но анай кылзэс но культуразэс азинтон сярысь сюлмасько.
«Егитъёслэн парламентазы ужан азьланяз депутат но, кивалтон но ужъёсын асьтэды шедьтыны юрттоз, - шуиз Владимир Невоструев. – Быгатӥсь егитъёс шаермылы туж кулэ. Нош Кун Кенеш котьку дась ӵектонъёстэс кылзыны, кичӧлтонъёсты быдэстыны юрттыны».
Кат кылдытъян ужлэн аспӧртэмлыкъёсыз сярысь куноос Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсеныз Татьяна Ишматоваен вераськизы. Депутат егит парламентарийёслы азинлыко уж, выль малпанъёс но соосты улонэ пыӵатыны луонлыкъёс сӥзиз.
Владимир Невоструев пусйиз, егитъёс туннэ ёрослэн, карлэн но элькунлэн улоназы бадӟым инты басьто шуыса. Егитъёслэн парламентъёссы нош тужгес сэзь малпанъёсты улонэ пыӵатыны, выль эшъёс шедьтыны но вордӥськем музъемлы пайда вайыны луонлыкъёсты усьто.
Глазов ёросысь егит парламентарийёс со – дышетскись но ужась муртъёс, вань гурт, дышетон, спорт но физкультура удысын тыршисьёс, иворъёсты вӧлмытон технологиосын ужась муртъёс. Уноез удмурт кылын верасько но анай кылзэс но культуразэс азинтон сярысь сюлмасько.
«Егитъёслэн парламентазы ужан азьланяз депутат но, кивалтон но ужъёсын асьтэды шедьтыны юрттоз, - шуиз Владимир Невоструев. – Быгатӥсь егитъёс шаермылы туж кулэ. Нош Кун Кенеш котьку дась ӵектонъёстэс кылзыны, кичӧлтонъёсты быдэстыны юрттыны».
Кат кылдытъян ужлэн аспӧртэмлыкъёсыз сярысь куноос Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась ӧрилэн кивалтӥсеныз Татьяна Ишматоваен вераськизы. Депутат егит парламентарийёслы азинлыко уж, выль малпанъёс но соосты улонэ пыӵатыны луонлыкъёс сӥзиз.