Кун Кенешысь депутатъёс Росси Азьмуртлэн Федерал Собранилы вазиськонэзлы дунъет сётӥзы
20.02.2019
Туннэ Россилэн Азьмуртэз Владимир Путин Росси Федерациысь Федерал Собрание азьын арлы быдэ лэсьтӥськись посланизэ шараяз. Москваысь Гостиной Дворын сое кылзӥзы Удмуртилэн Тӧроез Александр Бречалов но Кун Кенешлэн Тӧроез Алексей Прасолов.
Таиз вазиськон туала Россилэн историяз 25-тӥез луэ ини. 15-тӥ ползэ сое лэсьтӥз Владимир Путин.
Росси Азьмуртлэн Федерал Собранилы вазиськонэз калыклэн туала куронъёсызлы тупа, лыдъя Удмурт Элькунысь Кун Кенешлэн Тӧроез Алексей Прасолов. Владимир Путин бадӟым саклык висъяз кун пушкысь мерлык но экономика ужпумъёслы, кутэм проектъёсты быдэсъянлы. Вераськон мынэ огъя йӧскалык ӵектосъёс сярысь, соослэн пайдазы умоен шӧдиськыны кулэ Россилэн котькуд улосвылаз.
Посланиын пусъем одӥгез валтӥсез ӧр – адямиос сярысь сюлмаськон, кунысь демографи югдурез тупатон.
Бадӟым саклык озьы ик висъяськиз бизнеслы. Сое азинтонлы люкетӥсь вань шуг-секытъёсты Азьмурт палэнтыны ӧтиз. 2021 арысен удысэз эскеронъя но чакланъя вань нормативной ужкагазъёс кужымзэс ыштозы, кельтэмын луозы туала улонлы тупась куронъёс гинэ. «Та ласянь Удмуртиысь Кун Кенешын уж кутскемын ини, - шуиз Алексей Прасолов. - Матысь дыре ужбергатонэз но бизнесэз азинтонэн герӟаськем катрадлыкез рос-прос эскером. Со понна нимысьтыз ӧри кылдытэмын. Отчы пыризы Кун Кенешысь но Кивалтэтысь ӧнерчиос. Ӧрилэн ёзчиосыз куронъёслы тупасьтэм катъёсты, пуктэтъёсты но мукет ужкагазъёсты ужысь поттыны дэмлалозы».
Ижкарын Росси Азьмуртэз кылзӥзы Кун Кенешлэн юртаз. Отчы люкаськылӥзы элькун парламентысь депутатъёс, Кивалтэтлэн ёзчиосыз, министерствоолэн но ведомствоослэн кивалтӥсьёссы, мерлыко палаталэн но огазеяськонъёслэн, профсоюзъёслэн ёзчиоссы.
«Азьмурт нимысьтыз саклык висъяз семьяослы юрттэт сётонлы, - шуиз Кун Кенешлэн Тӧроезлэн нырысетӥ воштӥсез Владимир Невоструев. – Туннэ юрттэт кулэ улон инты лэсьтонын но, пиналъёсты будэтонын но. Со демографи югдурез тупатыны луонлык сётоз». Трос нылпиё семьяослы юрттэтэз 2020 арысен кык поллы будэтыны чакламын. Ипотека 6 процентозь кулэстэмын луыны кулэ. Соин ӵош улон интыос вӧзын азинтӥськыны кулэ мерлыко инфраструктура – эмъяськонниос, школаос, нылпи садъёс, яслиос. Ваньмыз со шумпоттытэ, пусйиз Владимир Невоструев.
Кун Кенешлэн Тӧроезлэн нырысетӥ воштӥсез озьы ик умоен пусйиз Азьмуртлэсь «Земский учитель» программа кылдытыны ӵектонзэ. Со гуртъёсы ужаны но улыны лыктэм дышетӥсьёслы 1 миллион манет юрттэт висъяны луонлык сётоз. Элькунамы дышетӥсьёслы кулэяськон али бадӟым.
Кун Кенешысь «КПРФ» фракцилэн кивалтӥсез Алексей Конорюков верамезъя, туннэ посланиын ваньмызлы сямен юанъёслы валэктонъёс чузъяськизы. «Фракцимылэн кенешонъёсаз ӵемысь ӝутъяськылӥзы тазалыкез утёнэн но, дышетонэн но герӟаськем ужпумъёс, - шуиз со. – Кӧня ке пол вераськылӥм «Земский учитель» ӵектослэн кулэлыкез сярысь. Туннэ кылӥм, со проект луоз шуыса», - пусйиз Алексей Конорюков.
Таиз вазиськон туала Россилэн историяз 25-тӥез луэ ини. 15-тӥ ползэ сое лэсьтӥз Владимир Путин.
Росси Азьмуртлэн Федерал Собранилы вазиськонэз калыклэн туала куронъёсызлы тупа, лыдъя Удмурт Элькунысь Кун Кенешлэн Тӧроез Алексей Прасолов. Владимир Путин бадӟым саклык висъяз кун пушкысь мерлык но экономика ужпумъёслы, кутэм проектъёсты быдэсъянлы. Вераськон мынэ огъя йӧскалык ӵектосъёс сярысь, соослэн пайдазы умоен шӧдиськыны кулэ Россилэн котькуд улосвылаз.
Посланиын пусъем одӥгез валтӥсез ӧр – адямиос сярысь сюлмаськон, кунысь демографи югдурез тупатон.
Бадӟым саклык озьы ик висъяськиз бизнеслы. Сое азинтонлы люкетӥсь вань шуг-секытъёсты Азьмурт палэнтыны ӧтиз. 2021 арысен удысэз эскеронъя но чакланъя вань нормативной ужкагазъёс кужымзэс ыштозы, кельтэмын луозы туала улонлы тупась куронъёс гинэ. «Та ласянь Удмуртиысь Кун Кенешын уж кутскемын ини, - шуиз Алексей Прасолов. - Матысь дыре ужбергатонэз но бизнесэз азинтонэн герӟаськем катрадлыкез рос-прос эскером. Со понна нимысьтыз ӧри кылдытэмын. Отчы пыризы Кун Кенешысь но Кивалтэтысь ӧнерчиос. Ӧрилэн ёзчиосыз куронъёслы тупасьтэм катъёсты, пуктэтъёсты но мукет ужкагазъёсты ужысь поттыны дэмлалозы».
Ижкарын Росси Азьмуртэз кылзӥзы Кун Кенешлэн юртаз. Отчы люкаськылӥзы элькун парламентысь депутатъёс, Кивалтэтлэн ёзчиосыз, министерствоолэн но ведомствоослэн кивалтӥсьёссы, мерлыко палаталэн но огазеяськонъёслэн, профсоюзъёслэн ёзчиоссы.
«Азьмурт нимысьтыз саклык висъяз семьяослы юрттэт сётонлы, - шуиз Кун Кенешлэн Тӧроезлэн нырысетӥ воштӥсез Владимир Невоструев. – Туннэ юрттэт кулэ улон инты лэсьтонын но, пиналъёсты будэтонын но. Со демографи югдурез тупатыны луонлык сётоз». Трос нылпиё семьяослы юрттэтэз 2020 арысен кык поллы будэтыны чакламын. Ипотека 6 процентозь кулэстэмын луыны кулэ. Соин ӵош улон интыос вӧзын азинтӥськыны кулэ мерлыко инфраструктура – эмъяськонниос, школаос, нылпи садъёс, яслиос. Ваньмыз со шумпоттытэ, пусйиз Владимир Невоструев.
Кун Кенешлэн Тӧроезлэн нырысетӥ воштӥсез озьы ик умоен пусйиз Азьмуртлэсь «Земский учитель» программа кылдытыны ӵектонзэ. Со гуртъёсы ужаны но улыны лыктэм дышетӥсьёслы 1 миллион манет юрттэт висъяны луонлык сётоз. Элькунамы дышетӥсьёслы кулэяськон али бадӟым.
Кун Кенешысь «КПРФ» фракцилэн кивалтӥсез Алексей Конорюков верамезъя, туннэ посланиын ваньмызлы сямен юанъёслы валэктонъёс чузъяськизы. «Фракцимылэн кенешонъёсаз ӵемысь ӝутъяськылӥзы тазалыкез утёнэн но, дышетонэн но герӟаськем ужпумъёс, - шуиз со. – Кӧня ке пол вераськылӥм «Земский учитель» ӵектослэн кулэлыкез сярысь. Туннэ кылӥм, со проект луоз шуыса», - пусйиз Алексей Конорюков.