Сарапулын усьтӥськиз шуге-леке сюрем студентъёслы склад
17.02.2018Сарапулысь «Электрон» культурая юртын усьтӥськиз шуге-леке сюрем студентъёслы чаклам склад. Отчы вайыны луэ дӥськут, пыдкук, улонын кулэ луись мукет арбериос. Сое усьтыны ветлӥз Кун Кенешлэн Тӧроезлэн нырысетӥ воштӥсез Владимир Невоструев. Таӵе кенос элькунамы нокытын но ӧвӧл на. Сое усьтӥз «Огъя Россилэн Егит гвардиез», «СтудФонд» федерал программалы луыса. Озьы ик сое радъяны юрттӥзы Кун Кенешысь депутатъёс Анатолий Наумов но Сергей Мусинов, Кун Кенешлэн Тӧроезлэн нырысетӥ воштӥсез Владимир Невоструев.
Кызьы вераз шаерысьтымы «Единая Россиялэн Молодая Гвардия» ёзэныз кивалтӥсь Николай Санников, та складэз усьтон бордын валче ужазы шаерысьтымы кивалтэт, мерлыко огазеяськонъёс но ужбергатӥсьёс. Кенос котькуд студентлы бадӟым юрттэт сётоз, уго, шуге-леке сюрыкуз, со татчы котьку вазиськыны быгатоз.
Кызьы вераз шаерысьтымы «Единая Россиялэн Молодая Гвардия» ёзэныз кивалтӥсь Николай Санников, та складэз усьтон бордын валче ужазы шаерысьтымы кивалтэт, мерлыко огазеяськонъёс но ужбергатӥсьёс. Кенос котькуд студентлы бадӟым юрттэт сётоз, уго, шуге-леке сюрыкуз, со татчы котьку вазиськыны быгатоз.