Ижкарын гурт возёс но сиён-юон поттон удысын ужасьёслэн нуналзылы сӥзем сӥё-дано пумиськон ортчиз. Ужрадэ пыриськизы элькунысь кивалтэтлэн Тӧроез Ярослав Семёнов, Кун Кенешлэн кивалтӥсез
Алексей Прасолов, Кун Кенешлэн кивалтӥсезлэн нырысетӥ воштӥсез
Владимир Невоструев, элькун парламентлэн агропром огъетъя, музъем кусыпъёсъя, музъем узырлыкез уже кутонъя но инкуазез утёнъя ялан ужась ӧрилэн кивалтӥсез
Владимир Варламов. Удмуртиысь гурт возёсъя но сиён-юонъя министрлэсь ужзэ быдэсъясь Александр Прохоров бусы ужъёслы йылпумъянъёс лэсьтӥз. Солэн кылъёсызъя, таяз арын элькунамы котькулэсь трос ю тысь октэмын — 785 сюрс тонналэсь трос. Лымшор ёросъёс пӧлын тужгес трос ю тысь люказы Можга, Алнаш но Сарапул ёросъёс. Уйпалан – Шаркан, Балезино но Юкаменск ёросъёс. Удыслэсь азинлыкъёссэ пусйиз Кун Кенешлэн Тӧроез Алексей Прасолов. Со верамъя, Россия аслыз берыктӥз агропром державалэсь статуссэ. Со Удмуртиысь гурт возёс но сиён-юон
поттон удысын ужасьёслэн но вормонзы. Элькун парламентлэн кивалтӥсез гуртоослы тау карон кылъёссэ вераз котькуд нунал сюлмаськыса ужамзы понна.
