Москваын Гербер шулдыръяськон ортчиз
18.07.2016
Москваын Гербер шулдыръяськон ортчиз 2-тӥзэ. Туэ калыкез быгатонлыкъёсыныз, узырлыкеныз город шорысь Эрмитаж садын Удмуртия паймытӥз 10 час ӵоже. Нош асьмелэн зэмзэ ик вань, мае возьматыны, маин ушъяськыны. Ӵошатскыса кадь азинтӥсько культура, промышленность, туризм, гурт удысъёсмы. Соин ик Гербер — шулдыръяськон гинэ ӧвӧл, со кусып тупатон, инвесторъёсты гочатон, туристъёсты кыскон. Культурая но туризмъя министр Владимир Соловьёв верамъя, кылем арын Москваын Гербер ортчем бере, азьвыл арен ӵошатыса, Удмуртие 50 сюрслы тросгес туристъёс вуылӥзы. Удмуртилэн Тӧроез Александр Соловьев но лыдъя: гырон-быдтонлы сӥзем ужрад Москваын азьланяз но ортчылоз. Озьы ик Москваысь Гербере ужрадэ пыриськиз Кун Кенешлэн кивалтӥсез Владимир Невоструев но.