Кун Кенешлэн Президиумез кыкетӥ паларлы ужан планзэ юнматӥз
04.07.2016
4-тӥ пӧсьтолэзе Владимир Невоструев кивалтэм улсын Кун Кенешлэн Президиумезлэн заседаниез ортчиз. Озьы, Президиумлэн ёзчиосыз кыкетӥ паларлы «правительственной часъёслэсь» ортчытон планзэс юнматӥзы. Кылсярысь, куарусён толэзьын депутатъёс эскерозы Удмурт Элькунын общественной порядокез чакланэ калыклэн пыриськемез сярысь юанэз. Арлэн пумаз нош тазалыкез утёнъя удысын мынӥсь уж сярысь вераськозы.
Туннэ ик Президиум ялан ужась ӧриослэсь, фракциослэсь но Кун Кенешлэн Аппаратэзлэсь 2016-тӥ арлэн III-тӥ кварталэзлы ужан планъёссэ юнматӥз.