Нимаз адямиосын усьтэм нылпи центръёслэсь но нылпи садъёслэсь огазеяськонзэс кылдытыны малпало Удмуртиын

Нимаз адямиосын усьтэм нылпи центръёслэсь но нылпи садъёслэсь ассоциацизэс кылдытыны малпало Удмуртиын. 28-тӥ инвожое, Удмуртиын частной нылпи садъёсты азинтон ужпумъёслы сӥзем котырес ӝӧклы йылпумъянъёс лэсьтыса, вераз Кун Кенешысь тодосъя, дышетонъя, лулчеберетъя но егитъёслэн политиказыя ялан ужась ӧрилэн кивалтӥсез Наталья Сударикова.
«Мон малпасько, огазеяськонэз кылдытыны кулэ - но милемлы ӧвӧл, Кун Кенеш бордын ӧвӧл, со борды тӥ асьтэос, частной нылпи садъёсын вырись ужбергатӥсьёс басьтӥськыны кулэ. Кызьы тӥ сое лэсьтоды… ми паласен юрттэт кулэ ке, пумит ум луэ. Нош радъян ужпумъёс тӥ вылын, тӥ ог-огдэс умойгес тодӥськоды», — вераз Наталья Сударикова.
Чакланъёсъя, огазеяськонэз кылдытон та удысын ужбергатонэн вырисьёслы ивортодэтъя но эрикрадъя юрттэт сётыны луонлык усьтоз.
Тодэ вайытом, туннэ нуналлы Удмуртиын ужало кык частной нылпи садъёс но покчиосты возён-эскерон ужен вырись кӧня ке ужбергатӥсьёс.