Владимир Невоструев: Ми шумпотӥськом Россиысь устоез гырись Удмуртиын улэ шуыса
29.06.2016
Удмурт Элькунысь Кун Кенешлэн Тӧроез Владимир Невоструев ӟечкылаз Россиысь гырисьёс пӧлын 5-тӥ чемпионатын вормисез Вадим Зарецкихез. Механизатор, кудӥз ужа Вавож ёросысь «Удмуртия» хозяйствоын, кыкетӥ арзэ устоез гырись луиз. Таӵе вожвылъяськон Тюмень улосвылын ортчиз .
Нюръяськонэ пыриськизы 29 улосвылъёсысысь 33 механизаторъёс. Владимир Невоструев ӟечкылан телеграммазэ вормисьлы ыстӥз. Отын пусъемын: «Вань сюлмысьтым ӟечкыласько Россиысь гырисьёс пӧлын 5-тӥ чемпионатын вормонэныды. Кыкетӥ арзэ ни тӥ нырысетӥ инты басьтӥськоды. Сӥзисько удалтон вуоно арын Швейцариын ортчоно дуннневыл чемпионатын но. Выль вормонъёс, тазалык но шудбур. Ми шумпотӥськом Россиысь устоез гырись Удмуртиын улэ шуыса».