Версия для слабовидящих
Ижкарын пумитазы Удмуртиысь паралимпиецъёсты

Ижкарын пумитазы Удмуртиысь паралимпиецъёсты

06.03.2022
Ижкарын пумитазы Удмуртиысь паралимпиецъёсты
6-тӥ южтолэзе бер ӝытазе Ижкарын Удмуртиысь паралимпиецъёсты пумитазы. Ӵыжы-выжыосынызы но болельщикъёсынызы ӵош соосты «Единая Россия» партилэн ёзчиосыз но «Мы Вместе» проектэ пыриськись волонтёръёс пумитазы. Пумитасьёс пӧлын озьы ик вал Кун Кенешысь, физической культурая, спортъя но егитъёсын ужан политикая тӧроез, тодмо биатлонист Иван Черезов.
Тодады вайытомы, Китае вуыса, асьме спортсменъёсмы тодӥзы, сборноймес ӵошатсконъёсы пыриськыны ӧз лэзе шуыса. Удмуртиысь паралимпиадае пыриськыны кулэ вал куасэн бызьылӥсь но биатлонист Владислав Лекомцев, следж-хоккеистъёс Дмитрий Галкин, Михаил Ворончихин, Владимир Рычков, Андрей Касаткин, Иван Кузнецов, Максим Кузьминых, Евгений Петров.
«Тау сыӵе шуныт пумитамды понна, - вераз Владислав Лекомцев, - монэ Сочиысь медальёсын бертыкум но тазьы ӧз пумиталэ вал. Болельщикъёслэсь таӵе мылкыдзэс адӟыса, вуоно Олимпиадалы но дасяськыны кужым кылдэ».

Возврат к списку