Удмуртиысь Кун Кенеш элькунын дышетӥсьёсты дасянъя огъя сӧзнэт кылдытыны ӵектӥз
22.10.2021
Кун Кенешлэн Азьвалтэтэз 21 коньывуонэ Удмуртиын дышетӥсьёсты дасянэн герӟаськем ужпумъёсты эскериз. Кенешонэз видеконференция амалэн ортчытӥз Владимир Невоструев.
Вераськонэ пыриськизы Элькун Кивалтэтлэн Тӧроезлэн воштӥсез Анатолий Строков, Глазов карлэн Тӧроез Сергей Коновалов, Глазов кар Думалэн Тӧроез Игорь Волков, Глазовысь дышетӥсьёсты дасянъя В.Г. Короленко нимо кун институтлэн ректорез Янина Чиговская-Назарова, Эгралась 1№ огъя шоръёзо школалэн кивалтӥсез Андрей Корепанов. Элькун парламентлэн спикереныз Владимир Невоструевен но Кун Кенешысь наукая, дышетонъя, культурая, туризмъя но йӧскалык политикая ялан ужась комиссилэн кивалтӥсеныз Татьяна Ишматоваен ӵош соос Глазовысь дышетӥсьёсты дасянъя В. Г. Короленко нимо кун институтлэн юртаз люкаськылӥзы. Видеогерӟет амалэн кенешонэ пыриськиз элькунысь дышетонъя но наукая министрлэсь ужзэ быдэсъясь Ирина Крохина но Удмурт кун университетлэн дышетон но визьнодан ужъёсъя проректорез Михаил Кибардин.
Ирина Крохина вераз дышетӥсьёсты целевой амалэн дасянлэн мынэмез сярысь. Со пусйиз, туэ 1 коньывуонлы Удмуртиын дышетӥсьёслэн 758 интыоссы буш шуыса. Каръёсын 486 дышетӥсь уг тырмы, гуртъёсын - 272. Тужгес но бадӟым кулэяськон кунгожсьӧр кылъёслы дышетӥсьёслы (72 буш инты), крезьгуръя кивалтӥсьёслы (57), математикъёслы (51), ӟуч кылъя но литературая дышетӥсьёслы (48), начальной классъёсын ужасьёслы (44). Вакансиосты али совмещение амалэн ворсало. Со дыре ик министрлэсь ужзэ быдэсъясь пусйиз, кылем арын та дыре школаосын 1000 пала ужан интыос бушесь вал шуыса.
Дышетонъя но наукая Министерство арлы быдэ дышетон удыслы ӧнерчиосты федерал бюджет чотын дасянъя лыдпусъёс юнматэ. Соосты Удмурт Элькунлэсь кулэяськонзэ чакласа сётэ Россиысь наукая но дышетонъя Министерство. Берло аръёсы лыдпусъёс будо. 2019 арын «Образование и педагогические науки» ӧръя Удмуртиысь вылӥ дышетсконниослы 391 бюджет инты сётэмын вал ке, 2022 арлы со 604 луиз ини.
Но берло дыре шугъяськонъёс кылдо абитуриентъёсты целевой амалэн дышетскыны кутон ласянь. Ирина Крохиналэн малпамезъя, со герӟаськемын катрадлыке пырем воштӥськонъёсын.
«Туннэ уж сётӥсьёс ӧнерчиосты целевой амалэн дасяны мылкыд уг каро кык мугъёсъя. Нырысь ик – туж чурытэсь куронъёс пуктэмын студентъёслэн дышетскемзы понна коньдон тырон ласянь Уж сётӥсь дышетыны лэзем студентэзлэн дораз бертылэмез, арендае басьтэм улон интыез понна уксё тырыны кулэ. Элькун но, федерал но бюджетъёс та тыронъёсты вылазы уг басьто. Мукетыз муг – школаослэн кивалтӥсьёссы студентлы дышетсконзэ йылпумъятозяз уж инты возьыны уг быгато. Туннэ вакансия вань, ӵуказе отчы мукет дышетӥсь вуыны быгатоз, Нош огкылъя та интыез целевой амалэн дышетыны лэзем муртлы возьыны кулэ», - валэктӥз Ирина Крохина.
Удмурт кун университетын али педагогика ӧръёсъя вань курсъёсын контрактъя 45 студент дышетске, Глазовысь педагогикая кун институтын – 261. 2021 арын Глазове нырысетӥ курсэ целевой амалэн 76 егитъёс кутэмын, 80 процентэз соос – Удмуртиысь.
«Ми дась тросгес целевикъёсты кутыны, но туннэ шаерамы кадръёслы кулэяськонъя кема дырлы лэсьтэм чакланъёс ӧвӧл. Школаослэн директоръёссылэсь егит ӧнерчиослы куронъёс вуо, но соос матысь 1-2 арлы. Тросэзлэн 4-5 ар возьмамзы уг но поты, уг но луы. Соин ик кивалтӥсьёс асьсэлы целевой амалэн ӧнерчи дасяны соглаш уг луо, угось, сое диплом басьтэмез бере уже интыяны ӧз быгатэ ке, школа ӧнерчиез дасянлы кутэм уксёез кунлы берыктоно луоз», - пусйиз Глазовысь институтлэн ректорез Янина Чиговская-Назарова. Солэн малпамезъя, умой луысал кадръёсты дасянъя огъя улосвыл сӧзнэт кылдытыны. Та ласянь со Кун Кенешлы юрттэт курыса вазиськиз.
Кун Кенешысь наукая, дышетонъя, культурая, туризмъя но йӧскалык политикая ялан ужась ӧрилэн кивалтӥсез Татьяна Ишматова таӵе ӵектонэз умоен лыдъяз. Ӧнерчиез дасянъя огкыл вуз но дышетонъя но наукая Министерство яке муниципал кылдытэтъёсысь дышетонъя управлениос куспын лэсьтӥськиз ке, целевой амалэн дышетскисьёслэн лыдзы шӧдскымон йылоз. Со сяна, Татьяна Ишматова таӵе огкылъёсъя ӧнер сётӥсь дышетсконниосын но ужаны ӵектӥз.
Президиумлэн ёзчиосыз пусйизы, элькунысь школаослы дышетӥсьёсты дасян ужпумъёсты сэрттоно-пертчоно шуыса. Та уже муниципал тӧрлык ёзъёсты но кысконо. Пиналъёсты дышетон ужлы школаысен ик дасяны кутсконо, профориентацияя классъёс усьтоно. Сыӵе амал быдэсъяське ини Эгралась 1№ школаын. Ёросысь 6 шоръёзо школаос куспын кылдытэм педагогикая сетевой классын туннэ 22 пинал тодон-валан басьтэ.
Элькун Кивалтэтлэн Тӧроезлэн воштӥсез Анатолий Строков удысэ распределение амалэз берыктыны дэмлаз.
Кун Кенешлэн Тӧроез Владимир Невоструев пусйиз кадръёсты выльдонлэсь кулэлыксэ. Со бордысь тодон-валанъёслэн ӟечлыксы потэ, шуиз со.
«Туж умойтэм, куке гурт школаын одӥг дышетӥсь чылкак пӧртэм луись кӧня ке предметъёсты нуэ. Школаосы лыктыны кулэ удыссэс мур тодӥсь, ужазы туала технологиосты кутыны быгатӥсь дышетӥсьёс», - вераз элькун парламентлэн спикерез.
Со дышетӥсьёсын, вылӥ дышетсконниосын ужасьёсын, ректоръёслэн кенешенызы люкаськыны но югдурез тупатонъя рос-прос ӵектонъёс дасяны ӧтиз.
Вераськонэ пыриськизы Элькун Кивалтэтлэн Тӧроезлэн воштӥсез Анатолий Строков, Глазов карлэн Тӧроез Сергей Коновалов, Глазов кар Думалэн Тӧроез Игорь Волков, Глазовысь дышетӥсьёсты дасянъя В.Г. Короленко нимо кун институтлэн ректорез Янина Чиговская-Назарова, Эгралась 1№ огъя шоръёзо школалэн кивалтӥсез Андрей Корепанов. Элькун парламентлэн спикереныз Владимир Невоструевен но Кун Кенешысь наукая, дышетонъя, культурая, туризмъя но йӧскалык политикая ялан ужась комиссилэн кивалтӥсеныз Татьяна Ишматоваен ӵош соос Глазовысь дышетӥсьёсты дасянъя В. Г. Короленко нимо кун институтлэн юртаз люкаськылӥзы. Видеогерӟет амалэн кенешонэ пыриськиз элькунысь дышетонъя но наукая министрлэсь ужзэ быдэсъясь Ирина Крохина но Удмурт кун университетлэн дышетон но визьнодан ужъёсъя проректорез Михаил Кибардин.
Ирина Крохина вераз дышетӥсьёсты целевой амалэн дасянлэн мынэмез сярысь. Со пусйиз, туэ 1 коньывуонлы Удмуртиын дышетӥсьёслэн 758 интыоссы буш шуыса. Каръёсын 486 дышетӥсь уг тырмы, гуртъёсын - 272. Тужгес но бадӟым кулэяськон кунгожсьӧр кылъёслы дышетӥсьёслы (72 буш инты), крезьгуръя кивалтӥсьёслы (57), математикъёслы (51), ӟуч кылъя но литературая дышетӥсьёслы (48), начальной классъёсын ужасьёслы (44). Вакансиосты али совмещение амалэн ворсало. Со дыре ик министрлэсь ужзэ быдэсъясь пусйиз, кылем арын та дыре школаосын 1000 пала ужан интыос бушесь вал шуыса.
Дышетонъя но наукая Министерство арлы быдэ дышетон удыслы ӧнерчиосты федерал бюджет чотын дасянъя лыдпусъёс юнматэ. Соосты Удмурт Элькунлэсь кулэяськонзэ чакласа сётэ Россиысь наукая но дышетонъя Министерство. Берло аръёсы лыдпусъёс будо. 2019 арын «Образование и педагогические науки» ӧръя Удмуртиысь вылӥ дышетсконниослы 391 бюджет инты сётэмын вал ке, 2022 арлы со 604 луиз ини.
Но берло дыре шугъяськонъёс кылдо абитуриентъёсты целевой амалэн дышетскыны кутон ласянь. Ирина Крохиналэн малпамезъя, со герӟаськемын катрадлыке пырем воштӥськонъёсын.
«Туннэ уж сётӥсьёс ӧнерчиосты целевой амалэн дасяны мылкыд уг каро кык мугъёсъя. Нырысь ик – туж чурытэсь куронъёс пуктэмын студентъёслэн дышетскемзы понна коньдон тырон ласянь Уж сётӥсь дышетыны лэзем студентэзлэн дораз бертылэмез, арендае басьтэм улон интыез понна уксё тырыны кулэ. Элькун но, федерал но бюджетъёс та тыронъёсты вылазы уг басьто. Мукетыз муг – школаослэн кивалтӥсьёссы студентлы дышетсконзэ йылпумъятозяз уж инты возьыны уг быгато. Туннэ вакансия вань, ӵуказе отчы мукет дышетӥсь вуыны быгатоз, Нош огкылъя та интыез целевой амалэн дышетыны лэзем муртлы возьыны кулэ», - валэктӥз Ирина Крохина.
Удмурт кун университетын али педагогика ӧръёсъя вань курсъёсын контрактъя 45 студент дышетске, Глазовысь педагогикая кун институтын – 261. 2021 арын Глазове нырысетӥ курсэ целевой амалэн 76 егитъёс кутэмын, 80 процентэз соос – Удмуртиысь.
«Ми дась тросгес целевикъёсты кутыны, но туннэ шаерамы кадръёслы кулэяськонъя кема дырлы лэсьтэм чакланъёс ӧвӧл. Школаослэн директоръёссылэсь егит ӧнерчиослы куронъёс вуо, но соос матысь 1-2 арлы. Тросэзлэн 4-5 ар возьмамзы уг но поты, уг но луы. Соин ик кивалтӥсьёс асьсэлы целевой амалэн ӧнерчи дасяны соглаш уг луо, угось, сое диплом басьтэмез бере уже интыяны ӧз быгатэ ке, школа ӧнерчиез дасянлы кутэм уксёез кунлы берыктоно луоз», - пусйиз Глазовысь институтлэн ректорез Янина Чиговская-Назарова. Солэн малпамезъя, умой луысал кадръёсты дасянъя огъя улосвыл сӧзнэт кылдытыны. Та ласянь со Кун Кенешлы юрттэт курыса вазиськиз.
Кун Кенешысь наукая, дышетонъя, культурая, туризмъя но йӧскалык политикая ялан ужась ӧрилэн кивалтӥсез Татьяна Ишматова таӵе ӵектонэз умоен лыдъяз. Ӧнерчиез дасянъя огкыл вуз но дышетонъя но наукая Министерство яке муниципал кылдытэтъёсысь дышетонъя управлениос куспын лэсьтӥськиз ке, целевой амалэн дышетскисьёслэн лыдзы шӧдскымон йылоз. Со сяна, Татьяна Ишматова таӵе огкылъёсъя ӧнер сётӥсь дышетсконниосын но ужаны ӵектӥз.
Президиумлэн ёзчиосыз пусйизы, элькунысь школаослы дышетӥсьёсты дасян ужпумъёсты сэрттоно-пертчоно шуыса. Та уже муниципал тӧрлык ёзъёсты но кысконо. Пиналъёсты дышетон ужлы школаысен ик дасяны кутсконо, профориентацияя классъёс усьтоно. Сыӵе амал быдэсъяське ини Эгралась 1№ школаын. Ёросысь 6 шоръёзо школаос куспын кылдытэм педагогикая сетевой классын туннэ 22 пинал тодон-валан басьтэ.
Элькун Кивалтэтлэн Тӧроезлэн воштӥсез Анатолий Строков удысэ распределение амалэз берыктыны дэмлаз.
Кун Кенешлэн Тӧроез Владимир Невоструев пусйиз кадръёсты выльдонлэсь кулэлыксэ. Со бордысь тодон-валанъёслэн ӟечлыксы потэ, шуиз со.
«Туж умойтэм, куке гурт школаын одӥг дышетӥсь чылкак пӧртэм луись кӧня ке предметъёсты нуэ. Школаосы лыктыны кулэ удыссэс мур тодӥсь, ужазы туала технологиосты кутыны быгатӥсь дышетӥсьёс», - вераз элькун парламентлэн спикерез.
Со дышетӥсьёсын, вылӥ дышетсконниосын ужасьёсын, ректоръёслэн кенешенызы люкаськыны но югдурез тупатонъя рос-прос ӵектонъёс дасяны ӧтиз.