Кун Кенешлэн Тӧроез Удмуртиысь агропром огъетын ужасьёсты ӧнер праздникенызы ӟечкылаз
10.10.2021
Туннэ Россиын гурт возёсын но сиён-юон поттон удысын ужасьёслэсь нуналзэс пусъё. Удмуртиысь агропром огъетын тыршисьёсты но отысь ветеранъёсты ӧнер праздникенызы ӟечкылаз Кун Кенешлэн Тӧроез Владимир Невоструев.
«Та праздник – музъем вылын ужасьёслы тау карон. Котькуд нунал тӥ вань кужымдэс но мылкыддэс сётыса тыршиськоды шаерамы улисьёслы вылӥ ӟечлыко но ческыт сиён вуттон понна. Тӥ асьтэ киосыныды нимаз адямилэсь но быдэс кунлэсь тыр улонзэс кылдытӥськоды.
Гурт возёсэз но сиён-юон поттон удысэз азинтон – кун политикалэн валтӥсь ӧрез. Бюджетысь коньдон висъяське гурт удысын ужасьёслы юрттэт сётон, поттэм ваньбурез келян вузпӧръёсты паськытатон, ужан амалъёсты выльдон, гуртын улонэз умоятон понна.
Удмуртиын гурт удысэз азинтонъя пайдалыко катрадлык кылдытэмын. Гуртлэн араз нимаз адямиослэн возёсъёссылы юрттэт сётонъя кат кутэмын. Луонлык кылдытэмын выль инвестици но бизнес-проектъёсты быдэсъяны, грантъёс басьяны.
Кӧс куазь шоры учкытэк, туэ Удмуртиысь гуртоос ваньбур поттонзэс йылэтыны быгатӥзы. Тросгес ваньбур келямын кунгож сьӧры. Гуртоослэн ужез яратонзылы но быгатонлыксылы луыса, шаермы быдэс кунамы сиён-юон поттонъя азьмынӥсь луэ.
Гажано эшъёс! Ӟечкыласько тӥледыз ӧнер праздникеныды! Сюлмысьтым тау карисько ужамды, чидамды, музъемез яратэмды понна. Юн тазалык, азинлык, шудбур сӥзисько! Азьланяз выль вормонъёс но азинсконъёс тӥледлы!», - шуэмын элькун парламентлэн спикерезлэн ӟечкылан гожтэтаз.
«Та праздник – музъем вылын ужасьёслы тау карон. Котькуд нунал тӥ вань кужымдэс но мылкыддэс сётыса тыршиськоды шаерамы улисьёслы вылӥ ӟечлыко но ческыт сиён вуттон понна. Тӥ асьтэ киосыныды нимаз адямилэсь но быдэс кунлэсь тыр улонзэс кылдытӥськоды.
Гурт возёсэз но сиён-юон поттон удысэз азинтон – кун политикалэн валтӥсь ӧрез. Бюджетысь коньдон висъяське гурт удысын ужасьёслы юрттэт сётон, поттэм ваньбурез келян вузпӧръёсты паськытатон, ужан амалъёсты выльдон, гуртын улонэз умоятон понна.
Удмуртиын гурт удысэз азинтонъя пайдалыко катрадлык кылдытэмын. Гуртлэн араз нимаз адямиослэн возёсъёссылы юрттэт сётонъя кат кутэмын. Луонлык кылдытэмын выль инвестици но бизнес-проектъёсты быдэсъяны, грантъёс басьяны.
Кӧс куазь шоры учкытэк, туэ Удмуртиысь гуртоос ваньбур поттонзэс йылэтыны быгатӥзы. Тросгес ваньбур келямын кунгож сьӧры. Гуртоослэн ужез яратонзылы но быгатонлыксылы луыса, шаермы быдэс кунамы сиён-юон поттонъя азьмынӥсь луэ.
Гажано эшъёс! Ӟечкыласько тӥледыз ӧнер праздникеныды! Сюлмысьтым тау карисько ужамды, чидамды, музъемез яратэмды понна. Юн тазалык, азинлык, шудбур сӥзисько! Азьланяз выль вормонъёс но азинсконъёс тӥледлы!», - шуэмын элькун парламентлэн спикерезлэн ӟечкылан гожтэтаз.