Кун Кенешлэн куамын куинетӥ сессияз эскерем ужпумъёс сярысь
30.06.2021
Туннэ Удмуртиысь Кун Кенешлэн таиз парламент ар понна берпуметӥ сессиез ортчиз. Депутатъёс 37 ужпумез сэрттӥзы-пертчизы. 24-ез со – элькун катъёслэн ӵектосъёссы.
Кутэмын бырйисьёслэн куронъёсынызы – наказъёсынызы - ужам сярысь пуктэт. Соин ӵош вуоноезлы арлы наказъёсын перечень кутэмын. Отчы 58 депутатъёслэн 182 куронъёссы пыртэмын. Соосты быдэстыны 84 миллион манетлэсь ятыр коньдон кулэ. Уноез куронъёс мерлыко юртъёсын – школаосын, нылпи садъёсын, музейёсын, клубъёсын, культура юртъёсын тупатъян ужъёсты ортчытонэн герӟаськемын.
Воштонъёс пыртэмын адямиослы дунтэк юридик юрттэт сётон сярысь катэ. Табере таӵе юрттэтэз басьтыны быгатӥсь муртъёс шӧдскымон тросгес луозы. Соос пӧлы 3-тӥ группаысь сӧсыръёс, пӧсь интыосын ожмаськем но улонысь кошкем ветеранъёслэн матысь ӵыжы-выжыоссы, нылпиоссэс огназы будэтӥсь анайёс но атайёс но мукет кулэяськись муртъёс пыртэмын. Катын озьы ик пусъемын, кыӵе ужпумъёсъя соос визь-кенеш дунтэк басьтыны быгато.
Нырысетӥ лыдӟемен кутэмын адямилэн эрикрадъёсызъя уполномоченной сярысь катлэн выль ӵектосэз. Сое кутыны кулэ луиз выль федерал закон потэмен. Кызьы пусъемын выль ӵектосын, Уполномоченной нокыӵе но кун тӧрлык ёзъёсын но кивалтӥсьёсын герӟаськемын луыны, ужамез сярысь нокин азьын но отчёт лэсьтыны кулэ ӧвӧл. Адями дораз вазиськем бере 15 нунал ӵоже Уполномоченной солэсь ӝожтӥськонзэ яке куронзэ эскерыны кулэ, Уполномоченнойлэн куремезъя ужкагазъёс, материалъёс но мукет ивортонъёс озьы ик 15 нунал ӵоже сётэмын луыны кулэ. Со сяна, федерал кат пуктэ, адямилэн эрикрадъёсызъя Уполномоченной, кулэлык кылдыку, эриклэсь люкон интыосы ветлыны, экспертъёсты уже кыскыны, гражданской но административной кылкутытонъя решениослэн материалъёсынызы тодматскон понна судэ вазиськыны быгатэ шуыса.
Быдэсак кутэмын арберилыктэм (нематериальной) кылёсбурез утён сярысь инъет луись кат. Арберилыктэм лулчеберет кылёсбур пӧлы пыро калык сям-йылолъёс, тодон-валанъёс, кырӟан-веранъёс. Соослэн нимысьтыз реестрзы кылдытэмын луыны кулэ. Катын кунлэн лулчеберет кылёсбурен ужанъя политикаез но солэн ӧръёсыз пусъемын.
Нырысетӥ лыдӟемен юнматэмын студент отрядъёслы юрттон но егитъёсын ужан кун политика сярысь катӵектосъёс, воштонъёс пыртэмын элькунлэн 2021 но 2022-2023 бюджетэз сярысь законэ.
Кутэмын бырйисьёслэн куронъёсынызы – наказъёсынызы - ужам сярысь пуктэт. Соин ӵош вуоноезлы арлы наказъёсын перечень кутэмын. Отчы 58 депутатъёслэн 182 куронъёссы пыртэмын. Соосты быдэстыны 84 миллион манетлэсь ятыр коньдон кулэ. Уноез куронъёс мерлыко юртъёсын – школаосын, нылпи садъёсын, музейёсын, клубъёсын, культура юртъёсын тупатъян ужъёсты ортчытонэн герӟаськемын.
Воштонъёс пыртэмын адямиослы дунтэк юридик юрттэт сётон сярысь катэ. Табере таӵе юрттэтэз басьтыны быгатӥсь муртъёс шӧдскымон тросгес луозы. Соос пӧлы 3-тӥ группаысь сӧсыръёс, пӧсь интыосын ожмаськем но улонысь кошкем ветеранъёслэн матысь ӵыжы-выжыоссы, нылпиоссэс огназы будэтӥсь анайёс но атайёс но мукет кулэяськись муртъёс пыртэмын. Катын озьы ик пусъемын, кыӵе ужпумъёсъя соос визь-кенеш дунтэк басьтыны быгато.
Нырысетӥ лыдӟемен кутэмын адямилэн эрикрадъёсызъя уполномоченной сярысь катлэн выль ӵектосэз. Сое кутыны кулэ луиз выль федерал закон потэмен. Кызьы пусъемын выль ӵектосын, Уполномоченной нокыӵе но кун тӧрлык ёзъёсын но кивалтӥсьёсын герӟаськемын луыны, ужамез сярысь нокин азьын но отчёт лэсьтыны кулэ ӧвӧл. Адями дораз вазиськем бере 15 нунал ӵоже Уполномоченной солэсь ӝожтӥськонзэ яке куронзэ эскерыны кулэ, Уполномоченнойлэн куремезъя ужкагазъёс, материалъёс но мукет ивортонъёс озьы ик 15 нунал ӵоже сётэмын луыны кулэ. Со сяна, федерал кат пуктэ, адямилэн эрикрадъёсызъя Уполномоченной, кулэлык кылдыку, эриклэсь люкон интыосы ветлыны, экспертъёсты уже кыскыны, гражданской но административной кылкутытонъя решениослэн материалъёсынызы тодматскон понна судэ вазиськыны быгатэ шуыса.
Быдэсак кутэмын арберилыктэм (нематериальной) кылёсбурез утён сярысь инъет луись кат. Арберилыктэм лулчеберет кылёсбур пӧлы пыро калык сям-йылолъёс, тодон-валанъёс, кырӟан-веранъёс. Соослэн нимысьтыз реестрзы кылдытэмын луыны кулэ. Катын кунлэн лулчеберет кылёсбурен ужанъя политикаез но солэн ӧръёсыз пусъемын.
Нырысетӥ лыдӟемен юнматэмын студент отрядъёслы юрттон но егитъёсын ужан кун политика сярысь катӵектосъёс, воштонъёс пыртэмын элькунлэн 2021 но 2022-2023 бюджетэз сярысь законэ.