Приволжск федерал округысь кат кылдытъясьёс пуш туризмез азинтонъя лэчыт ужпумъёсты эскеризы
24.06.2021
Туннэ Оренбург карын Приволжск федерал округысь кат кылдытъясь ёзъёслэн Ассоциацизылэн кенешонэз ортчиз. Отчы пыриськиз Удмуртиысь Кун Кенешлэн Тӧроез Владимир Невоструев.
Кенешонлэн валтӥсь ужпумез – пуш туризмез азинтон. Та дыре Россиысь туризм удысын 2,5 млн ятыр адями тырше. Со кунын поттэм огъя ваньбуре 3,7 трлн манет пыртэ. Но пандемия вакытэ туризм тужгес бадзым ыштонъёс адӟем удысъёс пӧлы сюриз.
Валтӥсь ивортонэн вераськиз Оренбург улосвылысь Каткылдытъясь Собранилэн кивалтӥсез Сергей Грачев. Со пусйиз, Приволжск федерал округе пырись вань улосъёс туризм удысэз азинтыны кутско гинэ ай шуыса. Оренбург улосвыллэн калыкез кыскон ласянь луонлыкъёсыз бадӟымесь, но могӟетъёс кылдыто сюресъёсын шугъяськонъёс, омыр но чугун сюрес транспортлы укыр бадӟым дунъёс, азинтымтэ инфраструктура.
Кенешонэ пыриськисьёс югдурез тупатонъя ӵектонъёссэс веразы. Соос пӧлын – туризмъя чугун сюрес маршрутъёслы субсидиос висъян, сюресъёс котырысь сервислэсь ӟечлыксэ ӝутон но мукет. Со сяна, люкаськемъёс пичи кунокуаосты лэсьтыны но выльдыны капчиятэм кредитъёс висъян сярысь федерал кат юнматыны дэмлазы.
Кенешонлэн валтӥсь ужпумез – пуш туризмез азинтон. Та дыре Россиысь туризм удысын 2,5 млн ятыр адями тырше. Со кунын поттэм огъя ваньбуре 3,7 трлн манет пыртэ. Но пандемия вакытэ туризм тужгес бадзым ыштонъёс адӟем удысъёс пӧлы сюриз.
Валтӥсь ивортонэн вераськиз Оренбург улосвылысь Каткылдытъясь Собранилэн кивалтӥсез Сергей Грачев. Со пусйиз, Приволжск федерал округе пырись вань улосъёс туризм удысэз азинтыны кутско гинэ ай шуыса. Оренбург улосвыллэн калыкез кыскон ласянь луонлыкъёсыз бадӟымесь, но могӟетъёс кылдыто сюресъёсын шугъяськонъёс, омыр но чугун сюрес транспортлы укыр бадӟым дунъёс, азинтымтэ инфраструктура.
Кенешонэ пыриськисьёс югдурез тупатонъя ӵектонъёссэс веразы. Соос пӧлын – туризмъя чугун сюрес маршрутъёслы субсидиос висъян, сюресъёс котырысь сервислэсь ӟечлыксэ ӝутон но мукет. Со сяна, люкаськемъёс пичи кунокуаосты лэсьтыны но выльдыны капчиятэм кредитъёс висъян сярысь федерал кат юнматыны дэмлазы.