Бюджетъя, вытъёсъя но коньдон ужпумъёсъя ялан ужась ӧри Удмуртилэн 2021 арлы коньдэтэз сярысь катэ воштонъёсты умоен лыдъяз
23.06.2021Туннэ Владимир Паршин видеоконференция амалэн бюджетъя, вытъёсъя но коньдон ужпумъёсъя ялан ужась ӧрилэсь кенешонзэ орчытӥз. Депутатъёс Элькунлэн 2021 но вуоно 2022 но 2023 аръёслы чаклам бюджетэз сярысь катэ ӵектэм воштонъёсты эскеризы. Кызьы валэктӥз элькунысь коньдон ужпумъёсъя министр Станислав Евдокимов, тупатъянъёс герӟаськемын кун но муниципал учреждениослэсь ужзэс азьланьтонэн, кун программаосын но йӧскалык проектъёсын чаклам ужрадъёсты быдэсъянэн.
Коньдэтлэсь табыш люкетсэ 6 млрд 34 млн манетлы йылэтыны ӵекто. Со пӧлысь 4 млрд 810 млн манетэз – вытъёс но мукет тыронъёс, 1 млрд 18 млн – палэнысь юрттэт, 206 млн манетэз – муниципал бюджетъёсы азьвыл аръёсы кылем коньдон. Федерал коньдэтысь улосвыл но муниципал сюресъёсты тупатъяны, промышленностез азинтонъя программаез быдэсъяны, фельдшер-акушер пунктъёсты но амбулаториосты лэсьтыны, эмъяськонниосты тӥрлыкен узырмытыны юрттэт вуоз. Со сяна, Росси Кивалтэтлэн резерв фондысьтыз Вавож ёросысь Кионгурт школаез лэсьтыны но коронавирус инфекциен нюръяськонъя ужрадъёсы быдэсъяны юрттэт висъямын.
Ватсаса вуэм уксёлэн 3,4 млрд манетэз кун но муниципал ужъюртъёсын ужасьёслы уждун тырыны кутӥськоз, 1,2 млрд манет асьсэды ужъюртъёсты возьыны чакламын, 658 миллион манет инвестици проектъёсты быдэсъяны мыноз, 341,3 млн манет - адямиослы мерлыко юрттэт сётыны. 243 миллион манет ватсамын семьяослы но нылпиослы юрттэтлы, 180 млн манет – капчиятэм дунын мынон-ветлонлы. Катлэн ӵектосаз озьы ик коньдон висъямын шор ӧнер сётӥсь огазеяськонъёсын дышетскисьёслы стипендилы, агропром огъетлы но ивор вӧлмытӥсь ёзъёслы юрттэтлы.
Воштонъёсты лыдэ басьтыса, Удмуртилэн 2021 арлы бюджетэзлэн табыш люкетэз 92 млрд 746 млн манет, уже кутон люкетэз 96 млрд 452 млн манет луоз. Дефицит уз воштӥськы, солэн быдӟалаез - 3 млрд 706 млн манет.
Депутатъёс катӵектосэз умоен лыдъязы но Кун Кенешлэн матысь сессияз сое нырысетӥ лыдӟемен юнматыны дэмлазы.
Коньдэтлэсь табыш люкетсэ 6 млрд 34 млн манетлы йылэтыны ӵекто. Со пӧлысь 4 млрд 810 млн манетэз – вытъёс но мукет тыронъёс, 1 млрд 18 млн – палэнысь юрттэт, 206 млн манетэз – муниципал бюджетъёсы азьвыл аръёсы кылем коньдон. Федерал коньдэтысь улосвыл но муниципал сюресъёсты тупатъяны, промышленностез азинтонъя программаез быдэсъяны, фельдшер-акушер пунктъёсты но амбулаториосты лэсьтыны, эмъяськонниосты тӥрлыкен узырмытыны юрттэт вуоз. Со сяна, Росси Кивалтэтлэн резерв фондысьтыз Вавож ёросысь Кионгурт школаез лэсьтыны но коронавирус инфекциен нюръяськонъя ужрадъёсы быдэсъяны юрттэт висъямын.
Ватсаса вуэм уксёлэн 3,4 млрд манетэз кун но муниципал ужъюртъёсын ужасьёслы уждун тырыны кутӥськоз, 1,2 млрд манет асьсэды ужъюртъёсты возьыны чакламын, 658 миллион манет инвестици проектъёсты быдэсъяны мыноз, 341,3 млн манет - адямиослы мерлыко юрттэт сётыны. 243 миллион манет ватсамын семьяослы но нылпиослы юрттэтлы, 180 млн манет – капчиятэм дунын мынон-ветлонлы. Катлэн ӵектосаз озьы ик коньдон висъямын шор ӧнер сётӥсь огазеяськонъёсын дышетскисьёслы стипендилы, агропром огъетлы но ивор вӧлмытӥсь ёзъёслы юрттэтлы.
Воштонъёсты лыдэ басьтыса, Удмуртилэн 2021 арлы бюджетэзлэн табыш люкетэз 92 млрд 746 млн манет, уже кутон люкетэз 96 млрд 452 млн манет луоз. Дефицит уз воштӥськы, солэн быдӟалаез - 3 млрд 706 млн манет.
Депутатъёс катӵектосэз умоен лыдъязы но Кун Кенешлэн матысь сессияз сое нырысетӥ лыдӟемен юнматыны дэмлазы.