Владимир Невоструев Удмуртиын улӥсьёсты Россилэн нуналэныз ӟечкылаз
12.06.2021
Туннэ кунамы улисьёс одӥгзэ валтӥсьсэ кун праздникез – Россилэсь нуналзэ пусъё. Удмуртиын улӥсьёслы ӟечкыланэн вазиськиз Кун Кенешлэн Тӧроез Владимир Невоструев.
«Россиен ӵош Удмуртия секыт но данлыко сюресэз ортчиз. Туннэ но шаерамы улӥсьёс кунмес азинтон понна уно лэсьто, вордӥськем музъеммылэсь узырлыксэ будэто.
Асьмелэн калыкмы ноку но шуг-секытъёслэсь ӧз кышкалля. Солэн ужаны быгатэмез – кунмылэн валтӥсь кужымез. Асьмеос азямы бадӟымесь ужпумъёс пуктӥськом но соосты быдэсъяськом. Солы юрттэ вордӥськем музъеммес яратэммы но солы оскеммы», - шуэмын ӟечкыланын.
Владимир Невоструев озьы ик Ижкарын улӥсьёсты карлэн нуналэныз ӟечкылаз. Сое но 12 инвожое пусъё.
«Ижкар арысь аре выльдӥське но чебертӥське. Со бордын нырысь ик адямиослэн асьсэлэн ужамзы. Туннэ Ижкар «Ужысь данлыкен кар» дано нимез нуллэ, нош 12 инвожо нимысьтыз катэн Удмуртилэн праздникъёсыз пӧлы Ижкарлэн нуналэз шуыса пыртэмын. Со – карын улӥсьёслэсь тыршемзэс сӥлы карон», - шуэмын вазиськонын.
Кун Кенешлэн Тӧроез озьы ик Глазов но Можга каръёсын улӥсьёслы ӟечкыланъёс ыстӥз. Соос озьы ик каръёссылэсь нуналъёссэс пусъё. Владимир Невоструев соослы юн тазалык, ӟеч мылкыд, шудбур но выль азинсконъёс сӥзиз.
«Россиен ӵош Удмуртия секыт но данлыко сюресэз ортчиз. Туннэ но шаерамы улӥсьёс кунмес азинтон понна уно лэсьто, вордӥськем музъеммылэсь узырлыксэ будэто.
Асьмелэн калыкмы ноку но шуг-секытъёслэсь ӧз кышкалля. Солэн ужаны быгатэмез – кунмылэн валтӥсь кужымез. Асьмеос азямы бадӟымесь ужпумъёс пуктӥськом но соосты быдэсъяськом. Солы юрттэ вордӥськем музъеммес яратэммы но солы оскеммы», - шуэмын ӟечкыланын.
Владимир Невоструев озьы ик Ижкарын улӥсьёсты карлэн нуналэныз ӟечкылаз. Сое но 12 инвожое пусъё.
«Ижкар арысь аре выльдӥське но чебертӥське. Со бордын нырысь ик адямиослэн асьсэлэн ужамзы. Туннэ Ижкар «Ужысь данлыкен кар» дано нимез нуллэ, нош 12 инвожо нимысьтыз катэн Удмуртилэн праздникъёсыз пӧлы Ижкарлэн нуналэз шуыса пыртэмын. Со – карын улӥсьёслэсь тыршемзэс сӥлы карон», - шуэмын вазиськонын.
Кун Кенешлэн Тӧроез озьы ик Глазов но Можга каръёсын улӥсьёслы ӟечкыланъёс ыстӥз. Соос озьы ик каръёссылэсь нуналъёссэс пусъё. Владимир Невоструев соослы юн тазалык, ӟеч мылкыд, шудбур но выль азинсконъёс сӥзиз.