Владимир Невоструев но Андрей Исаев Яр но Юкаменск ёросъёсын улӥсьёсын пумиськылӥзы
15.05.2021
Удмуртиысь Кун Кенешлэн Тӧроез Владимир Невоструев но Росси Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев 14 куартолэзе Яр но Юкаменск ёросъёсын кӧня ке пумиськонъёс ортчытӥзы. Соос ёросъёслэн кивалтӥсьёсынызы но отысь улӥсьёсын кенешизы, гурт интывылъёсты азинтон ужпумъёсты эскеризы, гуртоослы юрттэт сётонъя катрадлыке пыртыны чаклам воштонъёс сярысь веразы.
Андрей Исаев, Удмуртилэн Кун Думае быръем депутатэз, ивортӥз, мар лэсьтэмын вал элькунэз азинтон понна Думаысь берло ӧтчам ужан ӵоже. Со пусйиз, катъёсы пыртэм бадӟым люкетэз воштонъёс бырйисьёслэн куронъёссы вылэ пыкиськыса лэсьтэмын вал шуыса.
«Валче ужаса, асьмеос уно шуг-секытъёсты сэрттыны-пертчыны, элькунэ ватсаса федерал коньдон кыскыны быгатӥм», - пусйиз депутат.
Вераны кулэ, Андрей Исаевлэн юрттэмезъя Удмуртия 14 школа автобус, 35 ӝог эмъюрттэт сётон машина басьтӥз. Гужем 50 выль троллейбус возьмало. Депутат школаосты но нылпи садъёсты лэсьтыны шаерамы коньдон кыскон бордын ужаз. Солэн тыршеменыз Ижкарысь Берш нимо урамын, Селталан, Кезын, Дэри но Вавож ёросъёсын, Ижкарысь А10 микрорайонын школаосты пуктонэз азьланьтыны федерал коньдон висъямын вал.
Озьы ик Удмуртия ляб тазалыко пиналъёслы но быдэ вуымтэослы Реабилитаци центрез йылаз-пумаз вуттыны но сое тӥрлыкен тырмытыны уксё басьтӥз. Али солэсь муниципал кылдытэтъёсын ёзъёссэ усьян бордын уж мынэ.
Федерал коньдон висъямын Глазовысь В. Г. Короленко нимо педагогикая институтлэсь юртсэ тупатъян но элькунысь Йӧскалык библиотекалэсь юртсэ выльдон ужъёслы но. 12 куартолэзе, Кун Думаын Росси Кивалтэтлэн ужамезлы отчёт лэсьтонын, Андрей Исаев улосъёсысь тазалыкез утёнъя 17 ужъюртъёсты лэсьтонэз азьланьтыны коньдон висъяны ӵектӥз. Соос пӧлын Ижкарысь туберкулёз диспансерлэн юртэз но. Росси Кивалтэтлэн Тӧроез Михаил Мишустин та курон понна дурбасьтӥз. 2021-2022 аръёсы та ужъёслы 2,7 миллиард манет сётэмын луоз.
2020 арын, быдэс кунмы пандемиен сэрен ыштонъёс адӟон вакытэ, депутат Удмуртие ватсаса 2 миллиард манет кыскыны юрттӥз.
Бадӟым уж лэсьтэмын кат кылдытъян удысын. 2016-2021 аръёсы Андрей Исаев калыклы юрттэт сётонэн герӟаськем дасоосын катӵектосъёс бордын ужаз. 42-ез соос кутэмын но быдэсъясько ини, 27-ез бордын уж азьланьтӥське на.
Эскероно ужпумъёс пӧлын – мерлык юрттэтъёсты басьтонэз капчиятон сярысь катӵектос. Соя инвалидностья пенсиосты нокыӵе кагазъёстэк но куронъёстэк юнматъялозы. Группае поттэм адями сярысь ивортон сӧсыръёслэн федерал реестразы сюрем бере, со соку ик Пенси фондэ келямын луоз. Ивортонэз 5 нунал ӵоже эскерозы, со бере адямилы пенсия юнматэм сярысь извещение келямын луоз. Тыронъёслэн быдӟалазы будыку, адямилы озьы ик нокыӵе куриськонъёс гожъяно уз луы.
Кыкетӥ лыдӟонлы Андрей Исаев та катӵектосэ гуртоос понна туж кулэ ватсэт пыртыны ӵектӥз. Со герӟаськемын гурт удысын 30 ар ӵоже ужам муртъёслы чаклам юрттэтэз тыронэн. Али ужась законъя гуртын ужам адями городэ улыны выже яке солэн гуртэз кар округе выжтэмын луэ ке, со гуртоослы пенсизы вӧзы чаклам ватсэтэз басьтыны уг быгаты ини. Со шонер ӧвӧл, шуэ Исаев. Ватсэт тыриськыны кулэ адямилэсь али кытын улэмзэ чаклатэк. Кун Дума солэсь ӵектонзэ умоен лыдъяз. Матысь дыре катэз юнматыны быгатозы.
Пумиськонын адямиос асьсэлэсь юанъёссэс но куронъёссэс веразы. Яр ёросын улӥсьёс, кылсярысь, гуртлы юрттэтэз инкуазьлэсь пӧртэмлыкъёссэ лыдэ басьтыса люкылыны ӵектӥзы. Андрей Исаев куронэз уже басьтыны оскытӥз.
Удмуртиысь Кун Кенешлэн Тӧроез Владимир Невоструев пусйиз, улосвыл но федерал парламентъёс вискын юн ужан кусыпъёс тупатэмын шуыса. Удмуртилэн Кун Думаысь депутатъёсыз котьку ӝог вазисько элькунысьтымы бырйисьёслэн куронъёссылы, шуиз со. «Уно ужпумъёсъя меӵак соос вылэ потӥськом. Озьы вакчи дыр куспын воштонъёс пыртыны луиз нюлэскысь силёез дасян-утялтонъя законэ. Али Андрей Константинович пыр-поч ужа гуртоослы пенси тыронъя катӵектос бордын. Малпасько, солэн одно ик пайдаез луоз», - шуиз Владимир Невоструев.
Яр но Юкаменск ёросъёсын ужакузы, Кун Кенешлэн Тӧроез но Кун Думаысь «Единая Россия» фракцилэн кивалтӥсез адямиос понна приём ортчытӥзы.
Андрей Исаев, Удмуртилэн Кун Думае быръем депутатэз, ивортӥз, мар лэсьтэмын вал элькунэз азинтон понна Думаысь берло ӧтчам ужан ӵоже. Со пусйиз, катъёсы пыртэм бадӟым люкетэз воштонъёс бырйисьёслэн куронъёссы вылэ пыкиськыса лэсьтэмын вал шуыса.
«Валче ужаса, асьмеос уно шуг-секытъёсты сэрттыны-пертчыны, элькунэ ватсаса федерал коньдон кыскыны быгатӥм», - пусйиз депутат.
Вераны кулэ, Андрей Исаевлэн юрттэмезъя Удмуртия 14 школа автобус, 35 ӝог эмъюрттэт сётон машина басьтӥз. Гужем 50 выль троллейбус возьмало. Депутат школаосты но нылпи садъёсты лэсьтыны шаерамы коньдон кыскон бордын ужаз. Солэн тыршеменыз Ижкарысь Берш нимо урамын, Селталан, Кезын, Дэри но Вавож ёросъёсын, Ижкарысь А10 микрорайонын школаосты пуктонэз азьланьтыны федерал коньдон висъямын вал.
Озьы ик Удмуртия ляб тазалыко пиналъёслы но быдэ вуымтэослы Реабилитаци центрез йылаз-пумаз вуттыны но сое тӥрлыкен тырмытыны уксё басьтӥз. Али солэсь муниципал кылдытэтъёсын ёзъёссэ усьян бордын уж мынэ.
Федерал коньдон висъямын Глазовысь В. Г. Короленко нимо педагогикая институтлэсь юртсэ тупатъян но элькунысь Йӧскалык библиотекалэсь юртсэ выльдон ужъёслы но. 12 куартолэзе, Кун Думаын Росси Кивалтэтлэн ужамезлы отчёт лэсьтонын, Андрей Исаев улосъёсысь тазалыкез утёнъя 17 ужъюртъёсты лэсьтонэз азьланьтыны коньдон висъяны ӵектӥз. Соос пӧлын Ижкарысь туберкулёз диспансерлэн юртэз но. Росси Кивалтэтлэн Тӧроез Михаил Мишустин та курон понна дурбасьтӥз. 2021-2022 аръёсы та ужъёслы 2,7 миллиард манет сётэмын луоз.
2020 арын, быдэс кунмы пандемиен сэрен ыштонъёс адӟон вакытэ, депутат Удмуртие ватсаса 2 миллиард манет кыскыны юрттӥз.
Бадӟым уж лэсьтэмын кат кылдытъян удысын. 2016-2021 аръёсы Андрей Исаев калыклы юрттэт сётонэн герӟаськем дасоосын катӵектосъёс бордын ужаз. 42-ез соос кутэмын но быдэсъясько ини, 27-ез бордын уж азьланьтӥське на.
Эскероно ужпумъёс пӧлын – мерлык юрттэтъёсты басьтонэз капчиятон сярысь катӵектос. Соя инвалидностья пенсиосты нокыӵе кагазъёстэк но куронъёстэк юнматъялозы. Группае поттэм адями сярысь ивортон сӧсыръёслэн федерал реестразы сюрем бере, со соку ик Пенси фондэ келямын луоз. Ивортонэз 5 нунал ӵоже эскерозы, со бере адямилы пенсия юнматэм сярысь извещение келямын луоз. Тыронъёслэн быдӟалазы будыку, адямилы озьы ик нокыӵе куриськонъёс гожъяно уз луы.
Кыкетӥ лыдӟонлы Андрей Исаев та катӵектосэ гуртоос понна туж кулэ ватсэт пыртыны ӵектӥз. Со герӟаськемын гурт удысын 30 ар ӵоже ужам муртъёслы чаклам юрттэтэз тыронэн. Али ужась законъя гуртын ужам адями городэ улыны выже яке солэн гуртэз кар округе выжтэмын луэ ке, со гуртоослы пенсизы вӧзы чаклам ватсэтэз басьтыны уг быгаты ини. Со шонер ӧвӧл, шуэ Исаев. Ватсэт тыриськыны кулэ адямилэсь али кытын улэмзэ чаклатэк. Кун Дума солэсь ӵектонзэ умоен лыдъяз. Матысь дыре катэз юнматыны быгатозы.
Пумиськонын адямиос асьсэлэсь юанъёссэс но куронъёссэс веразы. Яр ёросын улӥсьёс, кылсярысь, гуртлы юрттэтэз инкуазьлэсь пӧртэмлыкъёссэ лыдэ басьтыса люкылыны ӵектӥзы. Андрей Исаев куронэз уже басьтыны оскытӥз.
Удмуртиысь Кун Кенешлэн Тӧроез Владимир Невоструев пусйиз, улосвыл но федерал парламентъёс вискын юн ужан кусыпъёс тупатэмын шуыса. Удмуртилэн Кун Думаысь депутатъёсыз котьку ӝог вазисько элькунысьтымы бырйисьёслэн куронъёссылы, шуиз со. «Уно ужпумъёсъя меӵак соос вылэ потӥськом. Озьы вакчи дыр куспын воштонъёс пыртыны луиз нюлэскысь силёез дасян-утялтонъя законэ. Али Андрей Константинович пыр-поч ужа гуртоослы пенси тыронъя катӵектос бордын. Малпасько, солэн одно ик пайдаез луоз», - шуиз Владимир Невоструев.
Яр но Юкаменск ёросъёсын ужакузы, Кун Кенешлэн Тӧроез но Кун Думаысь «Единая Россия» фракцилэн кивалтӥсез адямиос понна приём ортчытӥзы.