Юкаменск ёросысь Гулекшур гуртын Быдӟым Атыкай оже пыриськемъёслы но фронт мышкын ужамъёслы сӥзем синпелет усьтӥзы
07.05.2021
Туннэ, 7 куартолэзе, Кун Кенешлэн Тӧроез Владимир Невоструев Юкаменск ёросысь аслаз вордӥськем Гулекшур гуртаз Быдӟым Атыкай оже пыриськемъёслы но фронт мышкын ужамъёслы сӥзем синпелетэз усьтон сӥё-дано ужрадэ пыриськиз.
«Пичи гуртысьтымы 85 адями фронтэ кошкиз, соос пӧлысь доразы 19-эз гинэ берытскизы на. Юкаменск ёросысь 4200 адями кошкиз, бертӥз 1100-эз. Огъя кунмы та кышкыт ожын 27 миллион нылъёссэ но пиоссэ ыштӥз. Асьмеос котьку тодамы возьыны кулэ соосты, кин аслэсьтыз улонзэ сётӥз Атыкай музъеммес фашизмлэсь утён понна», - пусйиз Владимир Невоструев синпелетэз усьтонын. Со вераз Гулекшурын улӥсьёслэн Вормон понна тыршемзы сярысь, егитъёслы улосчиосынызы данъяськыны, соос сярысь тодыны курыса вазиськиз.
Синпелет калыклэн уксёеныз лэсьтэмын. Гранит плита вылэ оже пыриськем но фронт мышкын ужам 116 гуртоослэн нимъёссы гожъямын. Соос пӧлын Владимир Невоструевлэн анай-атаез - Анна Романовна но Пётр Аксентьевич Невоструевъёс.
Ужрадэ пыриськисьёс выль синпелет азе сяська керттэтъёс понӥзы.
«Пичи гуртысьтымы 85 адями фронтэ кошкиз, соос пӧлысь доразы 19-эз гинэ берытскизы на. Юкаменск ёросысь 4200 адями кошкиз, бертӥз 1100-эз. Огъя кунмы та кышкыт ожын 27 миллион нылъёссэ но пиоссэ ыштӥз. Асьмеос котьку тодамы возьыны кулэ соосты, кин аслэсьтыз улонзэ сётӥз Атыкай музъеммес фашизмлэсь утён понна», - пусйиз Владимир Невоструев синпелетэз усьтонын. Со вераз Гулекшурын улӥсьёслэн Вормон понна тыршемзы сярысь, егитъёслы улосчиосынызы данъяськыны, соос сярысь тодыны курыса вазиськиз.
Синпелет калыклэн уксёеныз лэсьтэмын. Гранит плита вылэ оже пыриськем но фронт мышкын ужам 116 гуртоослэн нимъёссы гожъямын. Соос пӧлын Владимир Невоструевлэн анай-атаез - Анна Романовна но Пётр Аксентьевич Невоструевъёс.
Ужрадэ пыриськисьёс выль синпелет азе сяська керттэтъёс понӥзы.