Владимир Невоструев Глазов но Юкаменск ёросъёсысь ветеранъёсты Вормон нуналэн ӟечкылаз
08.05.2021
9 куартолэзе кунмы Быдӟым Атыкай Ожын Вормонлы 76 ар тырмонэз пусъёз. Со азьын Удмуртилэн Кун Кенешысьтыз депутатъёс асьсэ округъёсазы ожысь ветеранъёсты, фронт мышкын ужамъёсты, концлагерьёсын воземъёсты но Ленинградын блокада дыръя улэмъёсты праздникен ӟечкылало.
Кун Кенешлэн Тӧроез Владимир Невоструев Россиысь шимучыръёслэсь утиськонъя министерстволэн Удмурт Элькунъя управлениезлэн кивалтӥсеныз Пётр Фоминэн но Россиысь Следствиосъя комитетлэн Удмурт Элькунъя управлениезлэн кивалтӥсеныз Рустам Тугушевен ӵош Глазов но Юкаменск ёросъёсысь ветеранъёс доры вуылӥз.
Глазов ёросысь Золотари гуртысь 96 аресъем Николай Иванович Чупин куноосты капка азяз пумитаз. Николай Иванович мылысь-кыдысь Кун Кенешлэн Тӧроеныз удмурт кылын вераськиз. Владимир Невоструев солы тау кариз ожмаськемез но война бере ужамез понна. Туннэ Николай Иванович Чупин быдэс Глазов ёросын огназ гинэ оже пыриськем ветеран кылемын на.
Вормон нуналэн ӟечкылан кылъёс чузъяськизы Юкаменск черкогуртысь Александр Алексеевич Шмаков понна но. Тулыспал толэзе солы 101 арес тырмиз. 1940 арын армие кошкыса, со 7 ар Дальний Востокын службазэ нуиз, Япониен ожмаськонэ пыриськиз.
Азбараз куноосты пумитаз Юкаменскойысь Людмила Петровна Жуйкова. Со тулыспал толэзе 99 арессэ тырмытӥз. 1942 арын фронтэ мынӥз. Ожмаськон сюрессэ Харьков дорын кутскиз, Вормон нуналэз Австриын пумитаз.
Кун Кенешлэн Тӧроез Владимир Невоструев Россиысь шимучыръёслэсь утиськонъя министерстволэн Удмурт Элькунъя управлениезлэн кивалтӥсеныз Пётр Фоминэн но Россиысь Следствиосъя комитетлэн Удмурт Элькунъя управлениезлэн кивалтӥсеныз Рустам Тугушевен ӵош Глазов но Юкаменск ёросъёсысь ветеранъёс доры вуылӥз.
Глазов ёросысь Золотари гуртысь 96 аресъем Николай Иванович Чупин куноосты капка азяз пумитаз. Николай Иванович мылысь-кыдысь Кун Кенешлэн Тӧроеныз удмурт кылын вераськиз. Владимир Невоструев солы тау кариз ожмаськемез но война бере ужамез понна. Туннэ Николай Иванович Чупин быдэс Глазов ёросын огназ гинэ оже пыриськем ветеран кылемын на.
Вормон нуналэн ӟечкылан кылъёс чузъяськизы Юкаменск черкогуртысь Александр Алексеевич Шмаков понна но. Тулыспал толэзе солы 101 арес тырмиз. 1940 арын армие кошкыса, со 7 ар Дальний Востокын службазэ нуиз, Япониен ожмаськонэ пыриськиз.
Азбараз куноосты пумитаз Юкаменскойысь Людмила Петровна Жуйкова. Со тулыспал толэзе 99 арессэ тырмытӥз. 1942 арын фронтэ мынӥз. Ожмаськон сюрессэ Харьков дорын кутскиз, Вормон нуналэз Австриын пумитаз.