Владимир Невоструев Удмуртилэн гуртъёсты чагыр эстӥськон вылэ выжтонъя ӵектонъёсыз сярысь вераз
27.04.2021
Удмуртиысь Кун Кенешлэн Тӧроез Владимир Невоструев 27 оштолэзе Россиысь каткылдытъясьёслэн Федерал Собрание бордын ужась Кенешезлэн ужаз пыриськиз. Кенешон ортчиз Санкт-Петербургысь Таврической дворецын росси парламентаризмлэн нуналаз. 115 ар талэсь азьло ӵапак отын Росси Кун Думалэн нырысетӥ кенешонэз ортчиз.
Каткылдытъясьёслэн Кенешсылэн ёзчиосыныз пумиськылӥз Россилэн Азьмуртэз Владимир Путин. Вераськон мынӥз солэн Федерал Собранилы вазиськоназ чузъяськем ӵектонъёсты быдэсъян но коронавирус инфекцилэн вӧлмонэныз нюръяськон ужпумъёс сярысь. Владимир Путин оскемзэ вераз, парламентарийёс пуктэм ужпумъёсты пыр-поч эскерозы шуыса.
Удмуртиысь Кун Кенешлэн Тӧроез Владимир Невоструев Посланиын чузъяськем тужгес кулэ ӵектонъёс полы пыртӥз гуртын улӥсьёс доры чагыр эстӥськон вуттонэз. Удмуртилэн та ласянь ӵектонъёсыз сярысь со вераз «Вместе-РФ» телеканаллы интервьюаз.
«Чагры эстӥськон туннэ гуртъёсы вуэ, нош адямиос сое улон коркаосазы пыртыны уг быгато. Со укыр дуно усе. Ми ӵектӥськом адямиослы федерал бюджетысь 80-100 сюрс манетэн юрттэт висъяны. Умой луысал корка кулэ луись тӥрлык басьтыны капчиятэм кредит чакланы. Солэн процент ставкаезлы компенсация тырыны луысал улосвыл бюджетысь», - шуиз Владимир Невоструев.
Со озьы ик пусйиз, гуртын улӥсьёс пӧлын пенсие потэм муртъёс трос шуыса. Соослы газ пыртон ужъёсты Пенси фонд чотын ортчытыны умой луысал. «Со газэз коркаосы пыртон ужъёсты но ӝоггес нуыны, гуртысь улонлэсь ӟечлыксэ но ӝутыны юрттысал. Туннэ Удмуртиысь гуртъёсын газификация 53 процентлы быдэстэмын. Унояз улосъёсын югдур мукет ӧвӧл. Соин ик Владимир Владимирович Путинлэн та ласянь ӵектонэз туж дыраз чузъяськиз», - шуиз Владимир Невоструев.
Туспуктэм: Росси Федерациысь Федерал Собранилэн пресс-службаез
Каткылдытъясьёслэн Кенешсылэн ёзчиосыныз пумиськылӥз Россилэн Азьмуртэз Владимир Путин. Вераськон мынӥз солэн Федерал Собранилы вазиськоназ чузъяськем ӵектонъёсты быдэсъян но коронавирус инфекцилэн вӧлмонэныз нюръяськон ужпумъёс сярысь. Владимир Путин оскемзэ вераз, парламентарийёс пуктэм ужпумъёсты пыр-поч эскерозы шуыса.
Удмуртиысь Кун Кенешлэн Тӧроез Владимир Невоструев Посланиын чузъяськем тужгес кулэ ӵектонъёс полы пыртӥз гуртын улӥсьёс доры чагыр эстӥськон вуттонэз. Удмуртилэн та ласянь ӵектонъёсыз сярысь со вераз «Вместе-РФ» телеканаллы интервьюаз.
«Чагры эстӥськон туннэ гуртъёсы вуэ, нош адямиос сое улон коркаосазы пыртыны уг быгато. Со укыр дуно усе. Ми ӵектӥськом адямиослы федерал бюджетысь 80-100 сюрс манетэн юрттэт висъяны. Умой луысал корка кулэ луись тӥрлык басьтыны капчиятэм кредит чакланы. Солэн процент ставкаезлы компенсация тырыны луысал улосвыл бюджетысь», - шуиз Владимир Невоструев.
Со озьы ик пусйиз, гуртын улӥсьёс пӧлын пенсие потэм муртъёс трос шуыса. Соослы газ пыртон ужъёсты Пенси фонд чотын ортчытыны умой луысал. «Со газэз коркаосы пыртон ужъёсты но ӝоггес нуыны, гуртысь улонлэсь ӟечлыксэ но ӝутыны юрттысал. Туннэ Удмуртиысь гуртъёсын газификация 53 процентлы быдэстэмын. Унояз улосъёсын югдур мукет ӧвӧл. Соин ик Владимир Владимирович Путинлэн та ласянь ӵектонэз туж дыраз чузъяськиз», - шуиз Владимир Невоструев.
Туспуктэм: Росси Федерациысь Федерал Собранилэн пресс-службаез