Версия для слабовидящих
Удмуртиысь Кун Кенеш быдэ вуымтэослы кудӟытӥсь юонъёсты но мукет кышкытлыко суретъёсты басьтэм понна административной кылкутон юнматыны ӵектэ

Удмуртиысь Кун Кенеш быдэ вуымтэослы кудӟытӥсь юонъёсты но мукет кышкытлыко суретъёсты басьтэм понна административной кылкутон юнматыны ӵектэ

23.04.2021
Удмуртиысь Кун Кенеш быдэ вуымтэослы кудӟытӥсь юонъёсты но мукет кышкытлыко суретъёсты басьтэм понна административной кылкутон юнматыны ӵектэ
Кун Кенешлэн Нырысетӥ воштӥсез Надежда Михайлова 22 оштолэзе тазалыкез утёнъя, демографи но семья политикая ялан ужась ӧрилэсь кенешонзэ ортчытӥз. Депутатъёс Росси Федерацилэн административной каттӥян сярысь Кодексаз воштонъёс пыртон сярысь катлэсь ӵектоссэ эскеризы.
Катӵектосэз дасяз ялан ужась комиссия. Соин быдэ вуымтэ муртлы кудӟытӥсь но йырсазез шузимытӥсь мукет суретъёсты басьтэм понна административной кылкутон юнматыны ӵекто.
Надежда Михайлова пусйиз, быдэ вуымтэосты кудӟытӥсь суретъёсты юонэ кыскем понна кылкутон юнматэмын. Но ӵемысь пиналъёслэн куремзыя соослы кудӟытӥсь юонъёсты арлыдо муртъёс басьтыса сёто. Таӵе учыръёсы нокыӵе кылкутон чакламын ӧвӧл. Депутатъёс катӵектосэз Росси Федерациысь каткылдытъясьёслэн Кенешазы келяны вераськизы.
Кенешонын Росси Азьмуртлэн Посланияз чузъяськем ӵектонъёсты быдэсъян ужпумъёсты но эскеризы. Уноез соос герӟаськемын вал тазалыкез утёнэн, семьяослы но нылпиослы юрттонэн. Одӥгез валтӥсез ужпум – Россиысь калыкез утён. Надежда Михайлова пусйиз, 2030 арлы улон арлыдлэсь шоро-куспо кузьдалазэ 78 аресозь вуттыны ужпум пуктэмын. Со понна диспансеризацияя, эмэскеронъя программаосты паськытатыны кулэ. Трос ӵектонъёс нылпиослы но семьяослы юрттэт сётонэн герӟаськемын.
Кун Кенеш Посланиез быдэсъян понна кулэ ужрадъёсты дасян ужез соку ик кутскиз, вераз элькун парламентлэн Нырысетӥ вице-спикерез. Дасямын та ласянь планлэн ӵектосэз, Кун Кенешлэн Президиумез сое умоен лыдъяз.

Возврат к списку