Элькунлэн 2021 арлы бюджетэз сярысь катӵектосэ тупатонъёсты эскеризы
14.12.2020
Коньдэтъя, вытъёсъя но коньдон ужпумъёсъя ялан ужась ӧриысь депутатъёс «Удмурт Элькунлэн 2021 но вуоно 2022 но 2023 аръёслы бюджетэз сярысь» катӵектосэ кыкетӥ лыдӟонлы вуэм тупатонъёсты эскеризы. Кенешонэз нуиз комиссилэн кивалтӥсез Юрий Тюрин.
Кызьы вераз Элькунысь коньдон ужпумъёсъя министрлэсь ужзэ быдэсъясь Вера Сухих, вуоно арлы коньдэтлэсь табыш люкетсэ 10 млрд 563,9 млн манетлы йылэтыны ӵекто. Уже кутон люкетсэ - 10 млрд 771,2 млн манетлы. 207,3 млн манетлы будоз бюджетлэн дефицитэз. Тупатонъёсты лыдэ басьтыса, 2021 арлы бюджетлэн табыш люкетэзлэн быдӟалаез 76 млрд 499,1 млн манет луоз, уже кутон люкетэз - 76 млрд 730 млн манет, дефицит - 230,9 млн манет.
Кыкетӥ лыдӟонлы катӵектосэ пыртыны 549 тупатон вуиз. Соос пӧлын элькун Тӧролэн, Кун Кенешысь ялан ужась комиссиослэн но депутат фракциослэн ӵектонъёссы. Бюджетъя, вытъёсъя но коньдон ужпумъёсъя ӧриысь депутатъёс ваньзэ соосты кыклы люкизы. 450-зэ ӵектонъёсты кутыны дэмлазы, кылемзэ – палэнтыны.
Комиссилэн ёзчиосыз 2020 арлы бюджет сярысь катэ но воштонъёсты эскеризы. Солэсь доход но расход люкетъёссэ 600 милллион манетлы кулэстыны дэмлазы.
Со сяна, депутатъёс эскеризы но умоен лыдъязы Элькун Кивалтэтлэн Тӧроезлы воштисьёслэсь кандидатураоссэс. Нырысетӥ воштӥсе дэмламын та ужез али быдэсъясь Константин Сунцовлэн, тазалык удысъя вице-премьере - Эльвира Пинчуклэн кандидатураоссы.
Кызьы вераз Элькунысь коньдон ужпумъёсъя министрлэсь ужзэ быдэсъясь Вера Сухих, вуоно арлы коньдэтлэсь табыш люкетсэ 10 млрд 563,9 млн манетлы йылэтыны ӵекто. Уже кутон люкетсэ - 10 млрд 771,2 млн манетлы. 207,3 млн манетлы будоз бюджетлэн дефицитэз. Тупатонъёсты лыдэ басьтыса, 2021 арлы бюджетлэн табыш люкетэзлэн быдӟалаез 76 млрд 499,1 млн манет луоз, уже кутон люкетэз - 76 млрд 730 млн манет, дефицит - 230,9 млн манет.
Кыкетӥ лыдӟонлы катӵектосэ пыртыны 549 тупатон вуиз. Соос пӧлын элькун Тӧролэн, Кун Кенешысь ялан ужась комиссиослэн но депутат фракциослэн ӵектонъёссы. Бюджетъя, вытъёсъя но коньдон ужпумъёсъя ӧриысь депутатъёс ваньзэ соосты кыклы люкизы. 450-зэ ӵектонъёсты кутыны дэмлазы, кылемзэ – палэнтыны.
Комиссилэн ёзчиосыз 2020 арлы бюджет сярысь катэ но воштонъёсты эскеризы. Солэсь доход но расход люкетъёссэ 600 милллион манетлы кулэстыны дэмлазы.
Со сяна, депутатъёс эскеризы но умоен лыдъязы Элькун Кивалтэтлэн Тӧроезлы воштисьёслэсь кандидатураоссэс. Нырысетӥ воштӥсе дэмламын та ужез али быдэсъясь Константин Сунцовлэн, тазалык удысъя вице-премьере - Эльвира Пинчуклэн кандидатураоссы.