Кун Кенешлэн матысь сессиез 27 коньывуонэ ортчоз

Кун Кенешлэн вуоно кызь тямысэтӥ сессиез усьтӥськоз 2020 арын 27 коньывуонэ Ижкарын 10 часысен. Со сярысь огкылэ вуиз туннэ Кун Кенешлэн Президиумез. Солэн кенешонэз видеоконференция амалэн ортчиз. Вераськонэз элькун парламентлэн Тӧроез Владимир Невоструев нуиз.
Президиумлэн ёзчиосыз озьы ик кенешизы сессиын «кивалтэт час» улсын «Образование» йӧскалык проектлэсь шаерамы быдэсъяськемзэ эскерыны.
Сессилэсь ужанрадзэ кылдытон азьланьтӥське на.