Удмуртиын ог-огедлы юрттӥськон ужез радъянэ пыриськем волонтёръёсты данъязы
01.10.2020
Туннэ Ижкарын, Калыкъёслэн Эшъяськон юртазы, пандемия вакытэ адямиослы юрттӥськем волонтёръёсты данъязы. Кун Кенешлэн Тӧроез Владимир Невоструев люкаськемъёслы тау каремзэ вераз, пусйиз, соослэн сюлэмзы туж небыт но вазиськыны дась шуыса.
Пандемия кутскем дырысен волонтёръёслэн «МыВместе» но «ПоддЕРжка» огазеям корпусазы 2000-лэсь трос адями пыриз. Соос кулэяськись муртъёслэн вазиськонъёсынызы ужазы, арлыдоослы сиён-юон, эмъюм но мукет кулэ арбериос вайылӥзы. Самизоляци вакытэ доброволецъёс элькунын улӥсьёслэсь сюрслэсь трос вазиськонъёссэс быдэстӥзы. Туннэ соослы тау каремзэ вераз Элькунлэн Тӧроез Александр Бречалов. Тужгес мыло-кыдо тыршем 117 доброволецъёсты медальёсын пусйизы. Озьы ик данъетъёс сётӥзы «Доброволец Росси» конкурсын финалэ потэмъёсты.
Калыклы юрттӥськон «МыВместе» акци таин уг йылпумъяськы. Данъян-ӟечкылан дыръя вань мылкыд карисьёсты ӧтизы волонтёръёс борды итӥськыны.
Пандемия кутскем дырысен волонтёръёслэн «МыВместе» но «ПоддЕРжка» огазеям корпусазы 2000-лэсь трос адями пыриз. Соос кулэяськись муртъёслэн вазиськонъёсынызы ужазы, арлыдоослы сиён-юон, эмъюм но мукет кулэ арбериос вайылӥзы. Самизоляци вакытэ доброволецъёс элькунын улӥсьёслэсь сюрслэсь трос вазиськонъёссэс быдэстӥзы. Туннэ соослы тау каремзэ вераз Элькунлэн Тӧроез Александр Бречалов. Тужгес мыло-кыдо тыршем 117 доброволецъёсты медальёсын пусйизы. Озьы ик данъетъёс сётӥзы «Доброволец Росси» конкурсын финалэ потэмъёсты.
Калыклы юрттӥськон «МыВместе» акци таин уг йылпумъяськы. Данъян-ӟечкылан дыръя вань мылкыд карисьёсты ӧтизы волонтёръёс борды итӥськыны.