Тазалыкез утён лэчыт ужпумъёсты эскеризы котрес ӝӧк сьӧрын
30.09.2020Туннэ Кун Кенешысь «Справедливая Россия» фракцилэн кивалтӥсез Фарид Юнусов видеоконференция амалэн котрес ӝӧк сьӧрын кенешон ортчытӥз. Эскеремын тазалыкез утён сӧзнэтлэн пандемия вакытэ ужамез.
Фарид Юнусов пусйиз, «Справедливая Россия» партилэн Кун Думаын ужась ёзчиосыз та ужпумъёсты сак чакласа возё, нош со ачиз федерал ужан группае пыртэмын.
Пандемия быдэс кунысь тазалыкез утён удыс понна зол эскерон луиз. Со тужгес ляб интыосты шараяны юрттӥз. Одӥгез соос пӧлысь – нырысь-валась юрттэт сётон сӧзнэт. Озьы ик малпаськоно Удмуртиысь тазалыкез утён удысэз азинтонъя стратегия сярысь, малпанзэ вераз депутат.
Фарид Юнусов калык пӧлын кышкатскон-куалектон мылкыдъёс вӧлскемлэсь утиськонлэн кулэлыкез сярысь вераз. Угось, адямилэн иммунитетэз солэн мылкыдыз бордысь потэ. Соин ик бадӟымгес саклык висъяно валэктон ужлы.
Кызьы вераз Удмуртиысь тазалыкез утёнъя министр Георгий Щербак, министерство адямиослэн вазиськонъёссыя уй-нунал ӵоже уж нуэ. Вирус пумозяз эскеремын ӧвӧл ай бере, солэсь утиськон но йӧнатӥськон амалъёс вошъясько, шуиз со.
Министр ивортӥз шаерамы та дырлы кылдэм югдур сярысь. Выль коронавирус инфекциен черлам муртъёсты йӧнатон элькунысь 9 эмъяськонниосын мынэ. Кулэлык кылдӥз ке, уже эшшо 3 эмъяськонни кыскемын луоз. Черлан учыръёс куарусён толэзьысен йылӥзы. Сое чурытатон ужрадъёсты но лябӟытэмен, валэктон ужлэн но тырмымтэеныз герӟаны луэ.
Элькунамы ковидэн черламъёслы 1802 койка-интыос дасямын. Висён учыръёс йыло ке но, эмъяськонниосын интыослы кулэяськон уг буды.
«Берло куинь арня ӵоже югдур огсыр возиське – черлан учыръёс чутрак уг но кулэсмо, уг но йыло. Со адӟиське ӝог эмъюрттэт сётон службае вазиськонъёсъя но. Соослэн лыдзы но, адямиосты эмъяськонниосы келян-интыян учыръёс но огмында возисько. Озьы ке но, вань службаос ватсаса луонлыкъёс дасяло», - ивортӥз министр.
Сюлмаськытэ эмчиослэн висемзы. Соос пӧлын выль коронавирусэн но, огшоры пыэд висёнъёсын но черлан учыръёс трос.
Котрес ӝӧк сьӧрын кенешонэ пыриськизы элькунысь эмъяськонниослэн кивалтӥсьёссы но. Соос черлэсь утиськон понна ватсаса кутӥськись ужрадъёс, эмчиосты дышетон ужлэн мынэмез сярысь веразы. Эмъюмъёс, утиськон материалъёс но тӥрлык тырмыт, шуизы соос. Гуртъёсын бадӟым ужез вылазы басьто ФАП-ёс. Соос ёрос эмъяськонниослэсь ужзэс шӧдскымон капчиято.
Адямиослэн юанъёссы трос. Эмъюртъёсын ужасьёс ваньмызлы валэктонъёс, дэмланъёс сётъяны тыршо. Та ужез капчиятыны луысал огъя ивор сётон-валэктон кампания радъяса, шуо эмчиос. Телефон сяна, умой луысал мукет герӟет амалъёсты но уже пыртыны, угось, адямиослы поликлиникаосы жингыртыса сюрыны пумен шуггес луэ.
«Справедливая Россия» фракцилэн кивалтӥсез Фарид Юнусов оскытӥз, кенешонын чузъяськем вань ӵектонъёс но дэмланъёс эскеремын но огазеямын луозы шуыса. Соосъя фракция тӧрлык ёзъёслы вазиськон келялоз. «Элькунысь депутат корпус азьланяз но ваньзэ лэсьтоз тазалыкез утён удыслы юрттон но шаерамы улӥсьёслэсь тазалыксэс возён понна», - шуиз депутат.
Фарид Юнусов пусйиз, «Справедливая Россия» партилэн Кун Думаын ужась ёзчиосыз та ужпумъёсты сак чакласа возё, нош со ачиз федерал ужан группае пыртэмын.
Пандемия быдэс кунысь тазалыкез утён удыс понна зол эскерон луиз. Со тужгес ляб интыосты шараяны юрттӥз. Одӥгез соос пӧлысь – нырысь-валась юрттэт сётон сӧзнэт. Озьы ик малпаськоно Удмуртиысь тазалыкез утён удысэз азинтонъя стратегия сярысь, малпанзэ вераз депутат.
Фарид Юнусов калык пӧлын кышкатскон-куалектон мылкыдъёс вӧлскемлэсь утиськонлэн кулэлыкез сярысь вераз. Угось, адямилэн иммунитетэз солэн мылкыдыз бордысь потэ. Соин ик бадӟымгес саклык висъяно валэктон ужлы.
Кызьы вераз Удмуртиысь тазалыкез утёнъя министр Георгий Щербак, министерство адямиослэн вазиськонъёссыя уй-нунал ӵоже уж нуэ. Вирус пумозяз эскеремын ӧвӧл ай бере, солэсь утиськон но йӧнатӥськон амалъёс вошъясько, шуиз со.
Министр ивортӥз шаерамы та дырлы кылдэм югдур сярысь. Выль коронавирус инфекциен черлам муртъёсты йӧнатон элькунысь 9 эмъяськонниосын мынэ. Кулэлык кылдӥз ке, уже эшшо 3 эмъяськонни кыскемын луоз. Черлан учыръёс куарусён толэзьысен йылӥзы. Сое чурытатон ужрадъёсты но лябӟытэмен, валэктон ужлэн но тырмымтэеныз герӟаны луэ.
Элькунамы ковидэн черламъёслы 1802 койка-интыос дасямын. Висён учыръёс йыло ке но, эмъяськонниосын интыослы кулэяськон уг буды.
«Берло куинь арня ӵоже югдур огсыр возиське – черлан учыръёс чутрак уг но кулэсмо, уг но йыло. Со адӟиське ӝог эмъюрттэт сётон службае вазиськонъёсъя но. Соослэн лыдзы но, адямиосты эмъяськонниосы келян-интыян учыръёс но огмында возисько. Озьы ке но, вань службаос ватсаса луонлыкъёс дасяло», - ивортӥз министр.
Сюлмаськытэ эмчиослэн висемзы. Соос пӧлын выль коронавирусэн но, огшоры пыэд висёнъёсын но черлан учыръёс трос.
Котрес ӝӧк сьӧрын кенешонэ пыриськизы элькунысь эмъяськонниослэн кивалтӥсьёссы но. Соос черлэсь утиськон понна ватсаса кутӥськись ужрадъёс, эмчиосты дышетон ужлэн мынэмез сярысь веразы. Эмъюмъёс, утиськон материалъёс но тӥрлык тырмыт, шуизы соос. Гуртъёсын бадӟым ужез вылазы басьто ФАП-ёс. Соос ёрос эмъяськонниослэсь ужзэс шӧдскымон капчиято.
Адямиослэн юанъёссы трос. Эмъюртъёсын ужасьёс ваньмызлы валэктонъёс, дэмланъёс сётъяны тыршо. Та ужез капчиятыны луысал огъя ивор сётон-валэктон кампания радъяса, шуо эмчиос. Телефон сяна, умой луысал мукет герӟет амалъёсты но уже пыртыны, угось, адямиослы поликлиникаосы жингыртыса сюрыны пумен шуггес луэ.
«Справедливая Россия» фракцилэн кивалтӥсез Фарид Юнусов оскытӥз, кенешонын чузъяськем вань ӵектонъёс но дэмланъёс эскеремын но огазеямын луозы шуыса. Соосъя фракция тӧрлык ёзъёслы вазиськон келялоз. «Элькунысь депутат корпус азьланяз но ваньзэ лэсьтоз тазалыкез утён удыслы юрттон но шаерамы улӥсьёслэсь тазалыксэс возён понна», - шуиз депутат.