Версия для слабовидящих
Улонысь кошкиз Кун Кенешлэн депутатэз, Удмуртилэн Дано кунмуртэз Зоя Степнова

Улонысь кошкиз Кун Кенешлэн депутатэз, Удмуртилэн Дано кунмуртэз Зоя Степнова

24.09.2020
Толон улонысь кошкиз Кун Кенешысь тазалыкез утёнъя, демографи но семья политикая ялан ужась ӧрилэн кивалтӥсезлэн воштӥсез, Удмурт Элькунлэн Дано кунмуртэз, «Сактон» огазеяськонлэн кивалтӥсез, Удмуртиысь нылкышноослэн Огазеяськонзылэн Тӧроез Зоя Степнова.
Зоя Ивановна Степнова вордӥськиз 1949 арын 21 толшоре. Вань ужан сюресэз герӟаськемын Ижысь трикотаж фабрикаен, туннэ «Сактон» ЗАО-ен. 20 арлэсь кема Зоя Ивановна фабрикаен кивалтӥз. Со дыр ӵоже предприятие элькунысь капчи промышленность удысын валтӥсь интые потӥз.
Зоя Ивановна Степнова Удмурт Элькунысь капчи промышленностья Ассоциациен кивалтӥз. 1996 арысен Удмуртиысь нылкышноослэн Огазеяськонзылэн Тӧроез вал.
Кун Кенешлэн кыкетӥ, куинетӥ, ньылетӥ, но али ужась куатетӥ ӧтчамъёсаз депутатэ бырйиськылӥз. 2003-2007 аръёсы Кун Кенешлэн Тӧроезлэн воштӥсез луыса ужаз. Куатетӥ ӧтчамын тазалыкез утёнъя, демографи но семья политикая ӧрилэн кивалтӥсезлэн воштӥсез вал.


Возврат к списку