Версия для слабовидящих
Шаркан ёросысь Сосновка черкогуртын выль культура юрт усьтӥськиз

Шаркан ёросысь Сосновка черкогуртын выль культура юрт усьтӥськиз

31.08.2020
Шаркан ёросысь Сосновка черкогуртын выль культура юрт усьтӥськиз
28 гудырикошконэ Шаркан ёросысь Сосновка черкогуртын выль культура юрт усьтӥськиз. Со гурт интывылъёсты азинтонъя кун программа улсын лэсьтӥськиз. Культура юртэз усьтон гуртын улӥсьёс понна бадӟым кузьым луиз.
Сӥё-дано ужрадэ пыриськизы Кун Кенешысь «КПРФ» фракцилэн кивалтӥсез Алексей Конорюков, Кун Кенешысь депутатъёс Анатолий Хохряков но Софья Широбокова, Росси Кун Думаысь депутат Алексей Загребин, Элькун Кивалтэтлэн Тӧроезлэн воштӥсез – гурт возёсъя но сиён-юон поттонъя министр Ольга Абрамова, Шаркан ёрослэн Тӧроез Василий Муклин но «Сосновское» муниципал кылдытэтлэн кивалтӥсез Фёдор Любимов.
Алексей Конорюков культура юртэз чаклам дырлэсь одӥг толэзьлы вазьгес вуттэм лэсьтӥськисьёслы Кун Кенешлэн Тӧроезлэсь Тау карон гожтэтъёссэ сётӥз, озьы ик ветеранъёслэн хорзылы костюмъёслы коньдон кузьым лэсьтӥз.

Возврат к списку