Удмуртиысь каткылдытъясьёс «Росси Федерацилэн егитъёсын ужан политикаез сярысь» федерал катӵектосэз умоен лыдъязы
25.08.2020Удмуртиысь Кун Кенешлэн Президиумез умоен лыдъяз егитъёсын ужан политика сярысь федерал катлэсь ӵектоссэ. Сое эскеризы туннэ видеоконференция амалэн ортчем кенешонын. Вераськонэз нуиз Кун Кенешлэн Тӧроез Владимир Невоструев.
Та дырозь егитъёсын уж мукет катъёсты быдэсъян актъёсъя но улосвыл законъёсъя гинэ радъяське вал. Нимысьтыз сӧзнэт кылдытӥсь ужкагаз кунамы ӧй вал. Выль ӵектос егитъёсын ужан политикалэсь ужпумъёссэ, амалъёссэ, валтӥсь ӧръёссэ пусъе, сое быдэсъясьёслэсь кусыпъёссэс радъя.
Со сяна, катӵектосын «егитъёс» валатон сётӥське. Соос пӧлы 14-сен 35 аресозь адямиос пыртӥсько.
Кун Кенешлэн выль катӵектослы дурбасьтэмез сярысь решениез Росси Кун Думае келямын луоз. Соин ӵош Удмуртилэн парламентэз катлэн кыкетӥ лыдӟонэзлы аслэсьтыз ӵектонъёссэ дасяны чакла.
Тодады вайытом, асьмелэн элькунамы егитъёсын ужан политика сярысь кат 2005 арын кутэмын ини. 15 ар ӵоже законэ ньыль пол воштонъёс пыртамын.
Та дырозь егитъёсын уж мукет катъёсты быдэсъян актъёсъя но улосвыл законъёсъя гинэ радъяське вал. Нимысьтыз сӧзнэт кылдытӥсь ужкагаз кунамы ӧй вал. Выль ӵектос егитъёсын ужан политикалэсь ужпумъёссэ, амалъёссэ, валтӥсь ӧръёссэ пусъе, сое быдэсъясьёслэсь кусыпъёссэс радъя.
Со сяна, катӵектосын «егитъёс» валатон сётӥське. Соос пӧлы 14-сен 35 аресозь адямиос пыртӥсько.
Кун Кенешлэн выль катӵектослы дурбасьтэмез сярысь решениез Росси Кун Думае келямын луоз. Соин ӵош Удмуртилэн парламентэз катлэн кыкетӥ лыдӟонэзлы аслэсьтыз ӵектонъёссэ дасяны чакла.
Тодады вайытом, асьмелэн элькунамы егитъёсын ужан политика сярысь кат 2005 арын кутэмын ини. 15 ар ӵоже законэ ньыль пол воштонъёс пыртамын.