Ижкарын Удмуртиез 2030 арозь азинтонъя стратегической сессия ортчиз
21.08.2020
Ижкарын 20 гудырикошконэ Удмурт Элькунэз матысь 10 ар ӵоже азинтонъя Стратегие пыртыны ӵектонъёсты дасянъя стратегической сессия ортчиз. Карлэн кивалтӥсьёсыныз, ужбергатӥсьёсын, промышленной предприятиосын ужасьёсын, наукая, дышетонъя, мерлыко, культурая огазеяськонъёслэн ёзчиосынызы ӵош вераськонэ пыриськиз Кун Думаысь «Единая Россия» фракцилэн кивалтӥсезлэн Нырысетӥ воштӥсез Андрей Исаев.
Элькунлэн Тӧроез Александр Бречалов ужкагазэз дасянлы кутскон сётӥз кылем арын сӥзьыл. Стратегия – 2030 Удмуртилэн Кивалтэтэныз но Росси Кивалтэтысь Аналитикая центрен кылдытэмын луыны кулэ. Нош солэн инъетэз – шаерын улӥсьёслэн но эксперт огеазеяськонъёслэн куронъёссы но ӵектонъёссы. Та арня вискын стратегической сессиос элькунысь вань каръёсын ортчыло.
Кызьы вераз Удмуртилэн Тӧроезлэн каръёсты азинтон ужпумъёсъя советникез Вячеслав Правдзинский, та дыре азьлань мыныны люкетӥсь шуг-секытъёсты шараян но огазеян уж мынэ. Калыклэн валтӥсь куронъёсыз – мерлыко ужъюртъёсы капчиен сюрыны луонлык кылдытон, интывылъёсты выльдон но чебертон, инженер инфраструктураез азинтон. Та куронъёсты быдэстон амалъёс эскерисько эксперт кенешъёсын ӵош. Со сяна, стратегие пыртыны аслэсьтыз дэмланзэ вераны быгатэ шаерын улӥсь котькуд адями.
Ижкарын улӥсьёслэн стратегической сессиязы 24 проектъёс эскерыны поттэмын вал. Валамон луиз - уноез бордын ужез азьланьтоно на. Ӵектонъёс пӧлын – карысь выль лэсьтӥськон интыосты огъя азинтон, вужмем улон коркаосты выльдон, промышленностья, логистикая но спортъя кластеръёс кылдытон, туризмъя маршрутъёс дасян, пичи но шор ёзо бизнеслы ваньбур поттыны площадкаос усьтон но мукет.
Вань ӵектонъёс рос-прос эскеремын луозы, тужгес устоосыз Стратегие пырозы. Калыклэсь дэмланъёссэ люкан азьланьтӥське на. Мылкыд карисьёс асьсэлэсь ӵектонъёссэс 2030.udmurt.ru сайтэ кельтыны быгатозы.
Стратегилэн ӵектосэз коньывуон толэзьлы дась луыны кулэ ини, нош арлэн пумаз сое юнматыны чаклало.
Сессилэн ужезлы йылпумъян лэсьтӥз Кун Думаысь депутат Андрей Исаев. Со пусйиз, котькуд проектлэн экономикая но нимаз адямилы пайдалыкезъя кулэлыкез вань, котькудӥз улосвылэз азинтон понна чакламын. «Ачиз Стратегиез дасян уж со – туала чебер технология гинэ ӧвӧл, со уно шуг-секытъёсты, обществолэсь «пыӵам висёнъёссэ» йӧнатыны луонлык, - шуиз Исаев. – Асьмелы одно ик азьланезлы чакланъёс лэсьтоно, озьы гинэ валаны луоз, кытчы но малы мынӥськом. Туж умой, куке та уж калыкен, улӥсьёсын ӵош лэсьтӥське».
Элькунлэн Тӧроез Александр Бречалов ужкагазэз дасянлы кутскон сётӥз кылем арын сӥзьыл. Стратегия – 2030 Удмуртилэн Кивалтэтэныз но Росси Кивалтэтысь Аналитикая центрен кылдытэмын луыны кулэ. Нош солэн инъетэз – шаерын улӥсьёслэн но эксперт огеазеяськонъёслэн куронъёссы но ӵектонъёссы. Та арня вискын стратегической сессиос элькунысь вань каръёсын ортчыло.
Кызьы вераз Удмуртилэн Тӧроезлэн каръёсты азинтон ужпумъёсъя советникез Вячеслав Правдзинский, та дыре азьлань мыныны люкетӥсь шуг-секытъёсты шараян но огазеян уж мынэ. Калыклэн валтӥсь куронъёсыз – мерлыко ужъюртъёсы капчиен сюрыны луонлык кылдытон, интывылъёсты выльдон но чебертон, инженер инфраструктураез азинтон. Та куронъёсты быдэстон амалъёс эскерисько эксперт кенешъёсын ӵош. Со сяна, стратегие пыртыны аслэсьтыз дэмланзэ вераны быгатэ шаерын улӥсь котькуд адями.
Ижкарын улӥсьёслэн стратегической сессиязы 24 проектъёс эскерыны поттэмын вал. Валамон луиз - уноез бордын ужез азьланьтоно на. Ӵектонъёс пӧлын – карысь выль лэсьтӥськон интыосты огъя азинтон, вужмем улон коркаосты выльдон, промышленностья, логистикая но спортъя кластеръёс кылдытон, туризмъя маршрутъёс дасян, пичи но шор ёзо бизнеслы ваньбур поттыны площадкаос усьтон но мукет.
Вань ӵектонъёс рос-прос эскеремын луозы, тужгес устоосыз Стратегие пырозы. Калыклэсь дэмланъёссэ люкан азьланьтӥське на. Мылкыд карисьёс асьсэлэсь ӵектонъёссэс 2030.udmurt.ru сайтэ кельтыны быгатозы.
Стратегилэн ӵектосэз коньывуон толэзьлы дась луыны кулэ ини, нош арлэн пумаз сое юнматыны чаклало.
Сессилэн ужезлы йылпумъян лэсьтӥз Кун Думаысь депутат Андрей Исаев. Со пусйиз, котькуд проектлэн экономикая но нимаз адямилы пайдалыкезъя кулэлыкез вань, котькудӥз улосвылэз азинтон понна чакламын. «Ачиз Стратегиез дасян уж со – туала чебер технология гинэ ӧвӧл, со уно шуг-секытъёсты, обществолэсь «пыӵам висёнъёссэ» йӧнатыны луонлык, - шуиз Исаев. – Асьмелы одно ик азьланезлы чакланъёс лэсьтоно, озьы гинэ валаны луоз, кытчы но малы мынӥськом. Туж умой, куке та уж калыкен, улӥсьёсын ӵош лэсьтӥське».