Удмуртиын 182 площадкаосын «Диктант Победы» ужрадэ пыриськыны луоз
20.08.2020
Кун Кенешысь «Единая Россия» фракцилэн кивалтӥсез Елена Дербилова патриотизм ӧрын ужась мерлыко огазеяськонъёслэн кивалтӥсьёсынызы кенешон ортчытӥз.
Удмурт Элькун кыкетӥ арзэ ини пыриське Быдӟым Атыкай ожлы сӥзем огъя росси диктантэ. Туэ со 3 куарусёнэ ортчоз.
Акцие пыриськон интыос йыло. Туннэ нуналлы Удмуртиын 182 площадка пусъемын. Ижкарын 94 площадка ужалоз, соос пӧлысь 15-ез – кырын. Со сярысь вераз Ольга Вежеева, «Единая Россия» партилэн Удмуртиысь улосвыл ёзэзлэн исполкомезлэн кивалтӥсезлэн воштӥсез, Ижкар думаысь депутат.
«Вормон диктантэз» гожтыны луоз лыдӟиськонниосын, музейёсын, партиотизмъя клубъёсын, дышетсконниосын. Ужрадъёс черъёслэсь утиськонъя куронъёсты лыдэ басьтыса радъяськозы. Ижкарлы «Ужъя данлыко кар» ним сётонэз данъяса, нимысьтыз площадкаос усьтыны чакламын Быдӟым Атыкай ож вакытэ ужам промышленной предприятиосын но.
«Вормон диктантын» 25 юан луоз, витез соос пӧлысь улосвыллэн аспӧртэмлыкеныз герӟаськемын. Тестлы дасяськыны луоз ӵектослэн диктантпобеды.рф нимлыко сайтаз. Отын ик ужрадэ пыриськон понна пусйиськыны луоз.
Елена Дербилова мерлыко огазеяськонъёслэн кивалтӥсьёссылы ужрадэ пыриськисьёслы Вормонлэн дунлыкез, историез тодонлэн кулэлыкез сярысь вераны курыса вазиськиз.
Удмурт Элькун кыкетӥ арзэ ини пыриське Быдӟым Атыкай ожлы сӥзем огъя росси диктантэ. Туэ со 3 куарусёнэ ортчоз.
Акцие пыриськон интыос йыло. Туннэ нуналлы Удмуртиын 182 площадка пусъемын. Ижкарын 94 площадка ужалоз, соос пӧлысь 15-ез – кырын. Со сярысь вераз Ольга Вежеева, «Единая Россия» партилэн Удмуртиысь улосвыл ёзэзлэн исполкомезлэн кивалтӥсезлэн воштӥсез, Ижкар думаысь депутат.
«Вормон диктантэз» гожтыны луоз лыдӟиськонниосын, музейёсын, партиотизмъя клубъёсын, дышетсконниосын. Ужрадъёс черъёслэсь утиськонъя куронъёсты лыдэ басьтыса радъяськозы. Ижкарлы «Ужъя данлыко кар» ним сётонэз данъяса, нимысьтыз площадкаос усьтыны чакламын Быдӟым Атыкай ож вакытэ ужам промышленной предприятиосын но.
«Вормон диктантын» 25 юан луоз, витез соос пӧлысь улосвыллэн аспӧртэмлыкеныз герӟаськемын. Тестлы дасяськыны луоз ӵектослэн диктантпобеды.рф нимлыко сайтаз. Отын ик ужрадэ пыриськон понна пусйиськыны луоз.
Елена Дербилова мерлыко огазеяськонъёслэн кивалтӥсьёссылы ужрадэ пыриськисьёслы Вормонлэн дунлыкез, историез тодонлэн кулэлыкез сярысь вераны курыса вазиськиз.