Кун Кенеш кудӟытӥсьсэ вузанэн герӟаськем катэз умоятонъя ужзэ азьланьтоз
17.08.2020
Кун Кенешлэн Тӧроез Владимир Невоструев Элькун Тӧро дорын ортчем аппарат кенешонын кудӟытӥсеныз уй-нунал ӵоже вузкарись огазеяськонъёслэсь ужзэс радъянъя катрадлык бордын мынӥсь уж сярысь вераз.
Тодады вайытом, 2019 арын Удмуртиысь Кун Кенеш Росси Кун Думае кат кутонъя кичӧлтон келяз. Отын калыкез сюдон интыослэсь ужзэс радъянъя ужоскетъёсты улосъёслы берыктыны куриз. Та ӵектонлы Кун Дума но, Федераци Кенеш но дурбасьтӥзы. Озьы туэ оштолэзе кутэмын вал федерал кат. Соин ӵош Удмуртилэн кудӟытӥсьсэ вузанэз чурытатон сярысь законаз воштонъёс пыртэмын. Соя 1 гудырикошконысен трос квартираё коркаосы интыяськем калыкез сюдон интыосын кудӟытӥсь юонъёсты вузаны уг яра ини. Та ужез нуыны быгато 50 квадрат метрлэсь бадӟымгес залэн заведениос гинэ. Озьы элькунысь ог 130 объектъёс чурытатонъёс улэ сюризы.
Кун Кенеш катлэсь быдэсъяськемзэ эскерыса возе. Гудырикошкон кутсконысен шаерысьтымы 32 сыӵе вузкарон интыосы рейдъёсын потазы ини. 11-аз катэз тӥян учыръёс пусъемын. Соин ик эскеронъёс азьланьтэмын луозы.
Элькунлэн Тӧроез Александр Бречалов куарусёнэ та ужпумъя кенешон ортчытыны ӵектӥз. Калыклэсь ӝожтӥськонъёс ӧжытгес ӧз луэ. Соин ик Тӧро депутатъёсты, мерлыко огазеяськонъёслэсь ёзчиоссэс но улорн коркаослэсь кивалтӥсьёссэс ӵектонъёссэс дасяны куриз. Кулэлык вань ке, законэ воштонъёс пыртом, вераз Александр Бречалов.
Тодады вайытом, 2019 арын Удмуртиысь Кун Кенеш Росси Кун Думае кат кутонъя кичӧлтон келяз. Отын калыкез сюдон интыослэсь ужзэс радъянъя ужоскетъёсты улосъёслы берыктыны куриз. Та ӵектонлы Кун Дума но, Федераци Кенеш но дурбасьтӥзы. Озьы туэ оштолэзе кутэмын вал федерал кат. Соин ӵош Удмуртилэн кудӟытӥсьсэ вузанэз чурытатон сярысь законаз воштонъёс пыртэмын. Соя 1 гудырикошконысен трос квартираё коркаосы интыяськем калыкез сюдон интыосын кудӟытӥсь юонъёсты вузаны уг яра ини. Та ужез нуыны быгато 50 квадрат метрлэсь бадӟымгес залэн заведениос гинэ. Озьы элькунысь ог 130 объектъёс чурытатонъёс улэ сюризы.
Кун Кенеш катлэсь быдэсъяськемзэ эскерыса возе. Гудырикошкон кутсконысен шаерысьтымы 32 сыӵе вузкарон интыосы рейдъёсын потазы ини. 11-аз катэз тӥян учыръёс пусъемын. Соин ик эскеронъёс азьланьтэмын луозы.
Элькунлэн Тӧроез Александр Бречалов куарусёнэ та ужпумъя кенешон ортчытыны ӵектӥз. Калыклэсь ӝожтӥськонъёс ӧжытгес ӧз луэ. Соин ик Тӧро депутатъёсты, мерлыко огазеяськонъёслэсь ёзчиоссэс но улорн коркаослэсь кивалтӥсьёссэс ӵектонъёссэс дасяны куриз. Кулэлык вань ке, законэ воштонъёс пыртом, вераз Александр Бречалов.