Кун Кенешын калыкез уже интыян ужпумъёсты эскеризы
13.08.2020
«Единая Россия» партилэн кичӧлтэмезъя но партилэн улосвыл ёзэзлэн исполкомез юрттэмъя Кун Кенешын калыкез уже интыян ужпумъёслы сӥзем котрес ӝӧк сьӧрын вераськон ортчиз.
Кенешонэ пыриськизы Удмурт Элькунысь мерлыко политикая но ужъя министр Татьяна Чуракова, промышленностья но вузкаронъя министр Виктор Лашкарев, экономикая министр Михаил Тумин, Кун Кенешысь экономика политикая, промышленностья но инвестициосъя ялан ужась ӧрилэн кивалтӥсез Тимур Ягафаров, элькунысь ужъя Кун инспекцилэн кивалтӥсез Светлана Шекунова, «Единая Россия» партилэн Тӧроезлэн Д. А. Медведевлэн Удмуртиысь мерлыко приёмноеныз кивалтӥсь Светлана Кривилёва, элькун парламентысь депутатъёс, мерлыко но ужбергатонъя огазеяськонъёслэн ёзчиоссы. Вераськонэз нуиз Кун Кенешысь «Единая Россия» депутат фракцилэн кивалтӥсез Елена Дербилова.
Пумиськонлэн валтӥсь ужпумъёсыз – ужъя рынокысь югдурен тодматскон но калыкез уже интыянъя кылдылӥсь шуг-секытъёсты сэрттон-пертчон амалъёсты утчан.
Елена Дербилова пусйиз, уже интыян туннэ вань муниципал огазеяськонъёс понна одӥгез лэчытэз юан. Со ласянь Элькунлэн Тӧроез Александр Бречалов но Элькун Кивалтэт бадӟым уж нуо.
Мерлыко политикая но ужъя министрлэн Татьяна Чураковалэн верамезъя, эпидемиологи югдур шугомемен, уже интыянъя центръёсы вазиськисьёслэн лыдзы шӧдскымон йылӥз. Оштолэзьысен ужтэк кылемъёсты дистанционной амалэн пусъё, соослы асьсэлы центръёсы ветлыны кулэ ӧвӧл. Соин валче вакансиосын тунсыкъяськисьёс ӧжытгес луизы. Со сяна, уноез центръёсы вазиськемъёс элькунлэн палэназ ужало вал, пандемиен валче соос доразы пуконо луизы но центръёсын пусйиськизы.
Экономикая министр Михаил Тумин пусйиз, 1 пӧсьтолэзьысен Удмуртиын ужаса поттэм – профессиональной - табышлы выт кылдытэмын. Со уногес адямиослы асьсэлэсь ужзэс усьтыны луонлык сётӥз. Тросэз бизнессэс шарае поттӥзы но пусйиськыса ужаны кутскизы. Толэзь ӵоже 2414 адями самозанятость амалэн ужамзэ пусйиз. Но та ласянь муниципал огазеяськонъёсын валэктон ужез паськытатоно на, дэмлаз министр.
Вераськонэ пыриськисьёс озьы ик калыклэсь уж ласянь тодон-валанъёссэ будэтон ужез кужмоятыны, егитъёсты уже интыян амалъёсты паськытатыны ӵектӥзы.
Кенешонэ пыриськизы Удмурт Элькунысь мерлыко политикая но ужъя министр Татьяна Чуракова, промышленностья но вузкаронъя министр Виктор Лашкарев, экономикая министр Михаил Тумин, Кун Кенешысь экономика политикая, промышленностья но инвестициосъя ялан ужась ӧрилэн кивалтӥсез Тимур Ягафаров, элькунысь ужъя Кун инспекцилэн кивалтӥсез Светлана Шекунова, «Единая Россия» партилэн Тӧроезлэн Д. А. Медведевлэн Удмуртиысь мерлыко приёмноеныз кивалтӥсь Светлана Кривилёва, элькун парламентысь депутатъёс, мерлыко но ужбергатонъя огазеяськонъёслэн ёзчиоссы. Вераськонэз нуиз Кун Кенешысь «Единая Россия» депутат фракцилэн кивалтӥсез Елена Дербилова.
Пумиськонлэн валтӥсь ужпумъёсыз – ужъя рынокысь югдурен тодматскон но калыкез уже интыянъя кылдылӥсь шуг-секытъёсты сэрттон-пертчон амалъёсты утчан.
Елена Дербилова пусйиз, уже интыян туннэ вань муниципал огазеяськонъёс понна одӥгез лэчытэз юан. Со ласянь Элькунлэн Тӧроез Александр Бречалов но Элькун Кивалтэт бадӟым уж нуо.
Мерлыко политикая но ужъя министрлэн Татьяна Чураковалэн верамезъя, эпидемиологи югдур шугомемен, уже интыянъя центръёсы вазиськисьёслэн лыдзы шӧдскымон йылӥз. Оштолэзьысен ужтэк кылемъёсты дистанционной амалэн пусъё, соослы асьсэлы центръёсы ветлыны кулэ ӧвӧл. Соин валче вакансиосын тунсыкъяськисьёс ӧжытгес луизы. Со сяна, уноез центръёсы вазиськемъёс элькунлэн палэназ ужало вал, пандемиен валче соос доразы пуконо луизы но центръёсын пусйиськизы.
Экономикая министр Михаил Тумин пусйиз, 1 пӧсьтолэзьысен Удмуртиын ужаса поттэм – профессиональной - табышлы выт кылдытэмын. Со уногес адямиослы асьсэлэсь ужзэс усьтыны луонлык сётӥз. Тросэз бизнессэс шарае поттӥзы но пусйиськыса ужаны кутскизы. Толэзь ӵоже 2414 адями самозанятость амалэн ужамзэ пусйиз. Но та ласянь муниципал огазеяськонъёсын валэктон ужез паськытатоно на, дэмлаз министр.
Вераськонэ пыриськисьёс озьы ик калыклэсь уж ласянь тодон-валанъёссэ будэтон ужез кужмоятыны, егитъёсты уже интыян амалъёсты паськытатыны ӵектӥзы.