Эскеремын трос квартираё коркаосы интыяськем калыкез сюдон интыосын кудӟытӥсьсэ вузанэз дугдытӥсь катлэн быдэсъяськемез
12.08.2020Туннэ Кун Кенешлэн Тӧроез Владимир Невоструев кудӟытӥсь юонъёсты улон коркаосын вузанэз чурытатӥсь катэз быдэсъян ужпумъёслы сӥзем кенешон ортчытӥз. Кат туэ 1 гудырикокшконысен ужаны кутскиз. Соя трос квартираем улон коркаосы интыяськем калыкез сюдон интыосын спирто суретъёсты вузан дугдытӥське.
Видеконференция амалэн ортчем вераськонэ пыриськизы Кун Кенешлэн Президиумезлэн ёзчиосыз, промышленностья но вузкаронъя министр Виктор Лашкарев, Ижкарысь Устинов ёрос администрацилэн тӧроез Владимир Петухов, Ижысь Кар думае депутатэ кандидатъёс.
Виктор Лашкарев верамъя, 2020 арын 1 гудырикошконысен кудӟытӥсьсэ вузаны уг яра трос квартираё юртъёсы интыяськем «буфет» но «бар» выллем огазеяськонъёсын. Курон кулэ уг сюро «кафе» но «ресторан» выллем заведениос, соослэн калыклы чаклам залзы 50 квадрат метрлэсь бадӟым ке.
Озьы ик одӥг интыын кудӟытӥсьсэ лэзьяса но, ӟенеликъёсын но вузаны уг яра. «Со нуназе ужась вузкароннилы ӝытъёсы калыкез сюдон интылы пӧрмыны луонлык уг сёты», - валэктӥз министр. Со ивортӥз, али Удмуртиын улон коркаосы интыяськем 170 пала калыкез сюдон интыосын кудӟытӥсьсэ «лэзьяса» вузало. 130 палаез соос выль чурытатонъёс улэ сюро.
Катрадлыклэсь быдэсъяськемзэ чаклан понна эскеронъёс радъясько. Озьы 8 огазеяськонъёсын куронъёсты тӥян учыръёс пусъемын ини.
Кун Кенешлэн Тӧроез Владимир Невоструев ялан ужась комиссиослэн кивалтӥсьёссылы законэз ӟечгес ужатонъя ӵектонъёс дасяны курыса вазиськиз.
Видеконференция амалэн ортчем вераськонэ пыриськизы Кун Кенешлэн Президиумезлэн ёзчиосыз, промышленностья но вузкаронъя министр Виктор Лашкарев, Ижкарысь Устинов ёрос администрацилэн тӧроез Владимир Петухов, Ижысь Кар думае депутатэ кандидатъёс.
Виктор Лашкарев верамъя, 2020 арын 1 гудырикошконысен кудӟытӥсьсэ вузаны уг яра трос квартираё юртъёсы интыяськем «буфет» но «бар» выллем огазеяськонъёсын. Курон кулэ уг сюро «кафе» но «ресторан» выллем заведениос, соослэн калыклы чаклам залзы 50 квадрат метрлэсь бадӟым ке.
Озьы ик одӥг интыын кудӟытӥсьсэ лэзьяса но, ӟенеликъёсын но вузаны уг яра. «Со нуназе ужась вузкароннилы ӝытъёсы калыкез сюдон интылы пӧрмыны луонлык уг сёты», - валэктӥз министр. Со ивортӥз, али Удмуртиын улон коркаосы интыяськем 170 пала калыкез сюдон интыосын кудӟытӥсьсэ «лэзьяса» вузало. 130 палаез соос выль чурытатонъёс улэ сюро.
Катрадлыклэсь быдэсъяськемзэ чаклан понна эскеронъёс радъясько. Озьы 8 огазеяськонъёсын куронъёсты тӥян учыръёс пусъемын ини.
Кун Кенешлэн Тӧроез Владимир Невоструев ялан ужась комиссиослэн кивалтӥсьёссылы законэз ӟечгес ужатонъя ӵектонъёс дасяны курыса вазиськиз.