Кун Кенешлэн Тӧроез калык понна приём ортчытӥз

Кун Кенешлэн Тӧроез Владимир Невоструев адямиос понна приём ортчытӥз. Вазиськонъёс пӧртэм ужпумъёсын герӟаськемын вал. Соос пӧлын – Ижкарысь чугун сюрес вокзал доры П. И. Чайковскийлы синпелет пуктон. Со понна коньдон люкамзы сярысь ивортӥзы казакъёслэн Царёво-Константиновской огазеяськонзылэн атаманэз Алексей Зорин но Удмуртилэн Дано кунмуртэз Виталий Соловьёв. Соос синпелетлэн кулэлыкез сярысь веразы но уксё бичаны юрттэт куризы.
Пумиськонын чузъяськем вань юанъёсъя уж кутскемын.