Спортэз но тазалыко улон сямъёсты вӧлмытон ужпумъёсты эскеризы

Физкультурниклэн нуналэз азьын Кун Кенешысь «Единая Россия» фракцилэн кивалтӥсез Елена Дербилова но «Единая Россия» Партилэн Тӧроезлэн Улосвыл приёмноеныз кивалтӥсь Светлана Кривилёва куасэн бызьылонъя Галина Кулакова нимо огъетэ вуылӥзы. Соос огъетын ужасьёсын но солэн кивалтӥсеныз Михаил Поповен пумиськылӥзы.
Тодады вайытом, 8 гудырикошконэ Удмуртия баскетболэн шудонъя «Оранжевый мяч» огъя росси турнире пыриськоз. Со радъяське «Демография» йӧскалык проектлэн «Спорт – норма жизни» федерал ӵектосэз улсын. Туэ ӵошатсконъёс Быдӟым Атыкай ожын Вормонлэн 75 но Удмуртилэн кунлык басьтэмез дырысен 100 ар тырмонъёслы сӥземын.
«Оранжевый мяч» турнирлэн вормисез олимпи чемпионъёслэн кинюртэмъёсынызы баскетбол тупез басьтоз. Нырысетӥез со вылэ кинюртэмзэ пуктӥз тол Олимпи шудонъёслэн призёрзы, дуннелэн чемпионэз, СССР-лэн спортъя дано мастерез Владимир Васильевич Никитин.