7 гудырикошконысен Удмуртиын туризмез азинтонъя куд-ог ужпумъёс сярысь выль кат быдэсъяськыны кутскоз
05.08.2020
7-тӥ гудырикошконысен Удмуртиын туризмез азинтонъя куд-ог ужпумъёс сярысь выль кат быдэсъяськыны кутскоз. Тодады вайытом, Кун Кенеш сое туэ инвожо толэзе кутӥз. Кат шаерамы туризмез азинтонлы инъет кылдытэ, удысэ инвестициос кыскыны луонлыкъёсты усьтэ.
Закон шаерамы туризмъя кластеръёсты, Удмуртилэсь туризмъя огъя тодметпусъёссэ, озьы ик ивор вӧлмытонъя центр кылдытонэз чакла. Пусйиське туризмъя кун политикаез нуон но быдэсъян, отчы бизнесэз кыскон радлык. Чакламын Удмуртилэсь туризмъя реестрзэ нуон.
Туннэ Удмуртиысь туризмъя огъетэ 2 но ӝыны сюрс пӧртэм объектъёс пыро. Соос пӧлын - калыкез возён 150 интыос - кунокуаос, санаторийёс, лагерьёс, шутэтскон базаос, 32 музей, 2 сюрслэсь ятыр история но культура, 300 пала инкуазь синпелетъёс, одӥг йӧскалык но кык инкуазь паркъёс, спортъя огъетъёс но мукет огазеяськонъёс. Удысын 20-лэсь ятыр туроператоръёс ужало.
Та дырлы Удмуртилэн вань ни аслаз брендъёсыз – Пётр Чайковский, Михаил Калашников, Брангурт песянайёс, Тол Бабай, Лудорвай но мукет. Соослы луыса, азинтӥське этно, агро, тодон-валанэз будэтон туризм. «Но со тырмыт ӧвӧл, - шуэ Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова. - Али саклык висъяно трос нуналъем туръёсты дасянлы. Соку Удмуртие лыктӥсь туристъёс Росси Кивалтэтэн ӵектэм выль программае но пыриськыны быгатозы». Кызьы тодмо, та программаез быдэсъяны федерал бюджет 15 миллиард манет висъя. Со уксёез басьтыны быгатозы Удмуртие шутэтскыны лыктӥсь туристъёс но. Со понна соос улосын ӧжытсэ вить нунал улыны кулэ.
Закон шаерамы туризмъя кластеръёсты, Удмуртилэсь туризмъя огъя тодметпусъёссэ, озьы ик ивор вӧлмытонъя центр кылдытонэз чакла. Пусйиське туризмъя кун политикаез нуон но быдэсъян, отчы бизнесэз кыскон радлык. Чакламын Удмуртилэсь туризмъя реестрзэ нуон.
Туннэ Удмуртиысь туризмъя огъетэ 2 но ӝыны сюрс пӧртэм объектъёс пыро. Соос пӧлын - калыкез возён 150 интыос - кунокуаос, санаторийёс, лагерьёс, шутэтскон базаос, 32 музей, 2 сюрслэсь ятыр история но культура, 300 пала инкуазь синпелетъёс, одӥг йӧскалык но кык инкуазь паркъёс, спортъя огъетъёс но мукет огазеяськонъёс. Удысын 20-лэсь ятыр туроператоръёс ужало.
Та дырлы Удмуртилэн вань ни аслаз брендъёсыз – Пётр Чайковский, Михаил Калашников, Брангурт песянайёс, Тол Бабай, Лудорвай но мукет. Соослы луыса, азинтӥське этно, агро, тодон-валанэз будэтон туризм. «Но со тырмыт ӧвӧл, - шуэ Кун Кенешысь наукая, дышетонъя, культурая, йӧскалык но егитъёсын ужан политикая но спортъя ялан ужась комиссилэн кивалтӥсез Татьяна Ишматова. - Али саклык висъяно трос нуналъем туръёсты дасянлы. Соку Удмуртие лыктӥсь туристъёс Росси Кивалтэтэн ӵектэм выль программае но пыриськыны быгатозы». Кызьы тодмо, та программаез быдэсъяны федерал бюджет 15 миллиард манет висъя. Со уксёез басьтыны быгатозы Удмуртие шутэтскыны лыктӥсь туристъёс но. Со понна соос улосын ӧжытсэ вить нунал улыны кулэ.