Ижкарлы «Ужысь данлыко кар» нимез сётон понна куара сётон азьланьтӥське
19.06.2020
Удмуртиын улӥсьёс Ижкарлы «Ужысь данлыко кар» нимез сётон понна дурбасьтэмзэс возьматыны быгатозы. Сыӵе луонлык кылдытэмын луоз Росси Конституцие воштонъёс пыртон понна огъя куара сётон нуналъёсы. Со сярысь ивортэмын вал кичӧлтонэз нуонъя Мерлыко штаблэн кенешоназ. Солэн ужаз пыриськиз Кун Кенешлэн Тӧроез Владимир Невоструев.
Кызьы вераз Ижкарлэн Тӧроез Олег Бекмеметьев, Удмуртилэн шоркарезлы та дано нимез сётон понна дурбасьтэмзэс веразы ини пыӵал поттон удысын ужась ветеранъёс, мерлыко огазеяськонъёс, элькун но кар Мерлыко палатаос, мерлыко ужъюртъёс но промышленной предприятиос. Кинюртэмъёсты бичан уже пырисько Кун Кенешысь но Ижкар Думаысь депутатъёс. Уж мытэмын вал ини южтолэзе, но пандемиен сэрен сое кулэезъя нуыны ӧз луы. Озьы ке но, кинюртэмъёсты бичан мынӥз он-лайн амалэн. Та дырлы сю сюрслэсь ятыр кинюртэмъёс люкамын.
Кун Кенешлэн Тӧроез Владимир Невоструев вераз, та дыре Ижкар «Ужысь данлыко кар» нимез басьтон понна вожвылъяськись кызь городъёс пӧлы пыре. Соос пӧлысь дассэ быръёзы. «Валамон, уно каръёсын ожтӥрлык но, фронтлы кулэ луись мукет но продукция поттӥзы. Но Ижкарлэн та дано нимез басьтыны мугъёсыз тросгес. Соин ик шаерамы улисьёсты та кичӧлтон понна дурбасьтэмзэс возьматыны курисько», - вазиськиз Владимир Невоструев.
Али Россиысь наукаосъя академия йылпумъян сётӥз ини, Ижкарлэн та дано нимлы историен юнматэм эрикрадэз вань шуыса. Табере Удмуртилэн шоркарезлэсь куриськонзэ эскерыны кулэ «Победа» росси оргкомитет.
Олег Бекмеметьев пусйиз, кичӧлтон понна дурбасьтыны луоз быръён участокъёсын Росси Конституцие воштонъёс понна куара сётон нуналъёсы – 25-тӥ инвожоысен 1-ти посьтолэзёзь.
Кызьы вераз Ижкарлэн Тӧроез Олег Бекмеметьев, Удмуртилэн шоркарезлы та дано нимез сётон понна дурбасьтэмзэс веразы ини пыӵал поттон удысын ужась ветеранъёс, мерлыко огазеяськонъёс, элькун но кар Мерлыко палатаос, мерлыко ужъюртъёс но промышленной предприятиос. Кинюртэмъёсты бичан уже пырисько Кун Кенешысь но Ижкар Думаысь депутатъёс. Уж мытэмын вал ини южтолэзе, но пандемиен сэрен сое кулэезъя нуыны ӧз луы. Озьы ке но, кинюртэмъёсты бичан мынӥз он-лайн амалэн. Та дырлы сю сюрслэсь ятыр кинюртэмъёс люкамын.
Кун Кенешлэн Тӧроез Владимир Невоструев вераз, та дыре Ижкар «Ужысь данлыко кар» нимез басьтон понна вожвылъяськись кызь городъёс пӧлы пыре. Соос пӧлысь дассэ быръёзы. «Валамон, уно каръёсын ожтӥрлык но, фронтлы кулэ луись мукет но продукция поттӥзы. Но Ижкарлэн та дано нимез басьтыны мугъёсыз тросгес. Соин ик шаерамы улисьёсты та кичӧлтон понна дурбасьтэмзэс возьматыны курисько», - вазиськиз Владимир Невоструев.
Али Россиысь наукаосъя академия йылпумъян сётӥз ини, Ижкарлэн та дано нимлы историен юнматэм эрикрадэз вань шуыса. Табере Удмуртилэн шоркарезлэсь куриськонзэ эскерыны кулэ «Победа» росси оргкомитет.
Олег Бекмеметьев пусйиз, кичӧлтон понна дурбасьтыны луоз быръён участокъёсын Росси Конституцие воштонъёс понна куара сётон нуналъёсы – 25-тӥ инвожоысен 1-ти посьтолэзёзь.