Удмурт Элькунлэн 2019 арлы бюджетэзлэн быдэстӥськемез сярысь катӵектосъя калык кылзонъёс ортчизы
10.06.2020Туннэ элькунлэн 2019 арлы бюджетэзлэн быдэстӥськемез сярысь катӵектосъя калык кылзонъёслэн очной люкетсы ортчиз. Ужрад дистанционной амалэн радъяськиз. Сое Кун Кенешлэн Тӧроез Владимир Невоструев нуиз. Кылзонъёсы пыриськыны луонлыкъёс ӧз сюбегатэ, пусйиз со. Кенешонлэн онлайн трансляциез Кун Кенешлэн нимлыко сайтаз мынӥз.
Кылем ар ӵоже Удмуртилэн коньдэтэз сярысь катэ вить пол воштонъёс пыртаськизы. Озьы солэн табыш люкетэз нырысь-валысь чаклам сярысь 14 миллиард манетлы йылӥз.
Бюджетлэн валтӥсь лыдпусъёсыныз тодматӥз элькунысь коньдон ужпумъёсъя министр Станислав Евдокимов. Солэн верамезъя, коньдэтлэн табыш люкетэз 80 млрд 651 млн манет луиз. 2018 арын сярысь со 10 процентлы ятыргес. Уже кутэмын 82 млрд 949 млн манет. Азьвыл арынлэсь со 16 процентлы ятыргес. Бадӟым люкетэз - 54 млрд 200 млн манет яке 65 процентэз - уксё мынӥз мерлыко ужпумъёсты быдэсъяны. Ар ӵоже уждун но мерлыко тыронъёс дыраз сётъямын. Та ласянь пунэмъёс ӧвӧл, пусйиз министр.
Бюджетысь коньдон программаосъя висъяськиз. Миым шаерамы федерал йӧскалык проектъёс ужаны кутскизы. Азьланьтӥськиз мерлыко юртъёсты лэсьтон но тупатъян.
Бюджетъя, вытъёсъя но коньдон ужпумъёсъя ялан ужась комиссилэн кивалтӥсез Юрий Тюрин пусйиз, кылзонъёслэн валтӥсь ужпумзы – калыклэсь дэмланъёссэ
но ӵектонъёссэ кылзон. Соосты вуоно арлы коньдэтэз кылдытыку лыдэ басьтозы. Озьы азьвыл арын кылзонъёсын чузъяськем куронъёслы луыса, 2019 арын агропром огъетлы чаклам коньдонлэн быдӟалаез утемын вал. Удыслы элькун бюджетысь 953 млн манет висъяса, шаерамы ватсаса 1,2 млрд манет федерал коньдонэз кыскыны луиз. Куинь поллы йылэтэмын «Доступная среда» кун программалы коньдон висъян, 21 млн манетозь вуттэмын сӧсыръёслы уж интыос кылдытонъя подпрограммалы юрттэт.
Калыкен, мерлыко огазеяськонъёсын, муниципал огазеяськонъёсын кусыпъёслэн кулэлыксы сярысь вераз Кун Кенешлэн Тӧроез Владимир Невоструев но. 3 нунал ӵоже котькуд мылкыд карись мурт, элькун парламентлэн сайтаз пырыса, бюджетъя материалъёсын тодматскыны но аслэсьтыз ӵектонъёссэ вераны быгатоз, тодэ вайытӥз со.
Азьланяз бюджетэз быдэстонъя катӵектос ялан ужась комиссиосын но депутат фракциосын эскеремын луоз. Нош 23 инвожое сое Кун Кенешлэн сессияз поттозы.
Кылем ар ӵоже Удмуртилэн коньдэтэз сярысь катэ вить пол воштонъёс пыртаськизы. Озьы солэн табыш люкетэз нырысь-валысь чаклам сярысь 14 миллиард манетлы йылӥз.
Бюджетлэн валтӥсь лыдпусъёсыныз тодматӥз элькунысь коньдон ужпумъёсъя министр Станислав Евдокимов. Солэн верамезъя, коньдэтлэн табыш люкетэз 80 млрд 651 млн манет луиз. 2018 арын сярысь со 10 процентлы ятыргес. Уже кутэмын 82 млрд 949 млн манет. Азьвыл арынлэсь со 16 процентлы ятыргес. Бадӟым люкетэз - 54 млрд 200 млн манет яке 65 процентэз - уксё мынӥз мерлыко ужпумъёсты быдэсъяны. Ар ӵоже уждун но мерлыко тыронъёс дыраз сётъямын. Та ласянь пунэмъёс ӧвӧл, пусйиз министр.
Бюджетысь коньдон программаосъя висъяськиз. Миым шаерамы федерал йӧскалык проектъёс ужаны кутскизы. Азьланьтӥськиз мерлыко юртъёсты лэсьтон но тупатъян.
Бюджетъя, вытъёсъя но коньдон ужпумъёсъя ялан ужась комиссилэн кивалтӥсез Юрий Тюрин пусйиз, кылзонъёслэн валтӥсь ужпумзы – калыклэсь дэмланъёссэ
но ӵектонъёссэ кылзон. Соосты вуоно арлы коньдэтэз кылдытыку лыдэ басьтозы. Озьы азьвыл арын кылзонъёсын чузъяськем куронъёслы луыса, 2019 арын агропром огъетлы чаклам коньдонлэн быдӟалаез утемын вал. Удыслы элькун бюджетысь 953 млн манет висъяса, шаерамы ватсаса 1,2 млрд манет федерал коньдонэз кыскыны луиз. Куинь поллы йылэтэмын «Доступная среда» кун программалы коньдон висъян, 21 млн манетозь вуттэмын сӧсыръёслы уж интыос кылдытонъя подпрограммалы юрттэт.
Калыкен, мерлыко огазеяськонъёсын, муниципал огазеяськонъёсын кусыпъёслэн кулэлыксы сярысь вераз Кун Кенешлэн Тӧроез Владимир Невоструев но. 3 нунал ӵоже котькуд мылкыд карись мурт, элькун парламентлэн сайтаз пырыса, бюджетъя материалъёсын тодматскыны но аслэсьтыз ӵектонъёссэ вераны быгатоз, тодэ вайытӥз со.
Азьланяз бюджетэз быдэстонъя катӵектос ялан ужась комиссиосын но депутат фракциосын эскеремын луоз. Нош 23 инвожое сое Кун Кенешлэн сессияз поттозы.