Кун Кенешлэн Президиумез Ижкарез азинтонэн герӟаськем ужпумъёсты эскериз
02.06.2020Кун Кенешлэн Президиумезлэн ёзчиосыз Ижкарез азинтонэн герӟаськем ужпумъёсты эскеризы. Туэ Удмуртилэн шоркарез юбилейзэ пусъе. Солэн кылдэмез дырысен 260 ар тырме.
Ижкарез экономика но мерлыко удысъёсъя азинтонлэн 2019 арлы йылпумъянъёсыз но али мынӥсь ужъёс сярысь ивортӥз шоркарлэн Тӧроез Олег Бекмеметьев. 2018 арен ӵошатыса, миым карлэн бюджетаз ог 2 миллиард манетлы тросгес табыш вуиз, пусйиз со. 74 процентэз уксё мерлыко ужпумъёслы кутӥськиз. Кылем ар ӵоже муниципал коньдэтлэсь пунэмъёссэ одӥг миллиард манетлы кулэстыны луиз.
Али уж нуиське муниципал предприятиосын ваньбур поттонэз азинтон но выльдон бордын.
2019 арын 40 иськем шуныт ваись гумыос но 15 подстанциос выльдэмын, 2020 арын эшшо 36,5 иськем гумыосты тупатъяны кулэ.
Азьланьтӥське ву гумыосты выльдон. 2020 арын та ласянь кык поллы ятыргес ужъёс лэсьтэмын луозы, вераз Бекмеметьев. 2023-тӥ арлы ужъёслэн быдӟалазы эшшо кык поллы йылоз на.
Шоркарын экологиез умоятонъя, нылпи садъёсты но школаосты лэсьтонъя, сюресъёсты тупатъянъя но котырез тупатъянъя йӧскалык проектъёс быдэсъясько.
Баранов нимо урамын 220 интылы нылпи сад лэсьтэмын ини, кыкез Берш нимо урамын ӝутӥсько на. Ужкагазъёс дасясько Машиностроитель посёлокын нылпи садлы. Сӥзьыл Сельхозвыставка микрорайонын нылпи сад усьтӥськыны кулэ. Со «Жильё и городская среда» йӧскалык проект улсын лэсьтӥське.
2019 арын Леваневский урамын школа вуттэмын. 2020 арын А-10 микрорайонын, 2021 арлэн 1 кварталаз – Берш урамын 1224 интылы выль школаос усьтӥськыны кулэ.
Со сяна, миым Ижкарысь 56 но 74 № школаос бордын стадионъёс, ГТО куронъёсты сётонъя 4 площадкаос лэсьтэмын. 2020 арын выль стадионъёссы луозы 35 но 17 № школаосын дышетскисьёслэн. Та дыре Устинов ёросын спортъя дворец лэсьтыны кагазъёсты дасяло, 2021 арын Ухтомский урамын физкультурая огъет ӝутӥськоз.
«Жильё и городская среда» проект улсын Ижкарын кӧня ке скверъёс усьтэмын, тупатъямын Шор площадь, выльдэмын азбаръёс. «Кышкыттэмлыко сюресъёс» проектъя 2019 арын 27 сюрес тупатъямын. 2020 арын эшшо 23 сюресъёсты выльдыны кулэ на. 2021 арын мерлыко огазеяськонъёсын ӵош 20 сюрес люкетъёсты лэсьтыны чакламын.
Нимысьтыз саклык висъяськиз Ижкарлэн нуналэзлы но Россилэн нуналэзлы сӥзем ужрадъёслы. Коронавируслэн пандемиез карын улӥсьёс понна воштӥськонъёс ваиз ке но, праздниклы сӥзем ужрадъёс азьвыл сямен ик 3 нунал ӵоже кыстӥськозы, ивортӥз Тӧро. Соос Азбарлэн нуналэз, Ёрослэн нуналэз но Карлэн нуналэз шуыса люкиськозы. Вань праздник ужрадъёс люкамын 260.izh.ru сайтэ. Татчы ик мылкыд карисьёс праздникез пусъёнъя асьсэлэсь ӵектонъёссэс кельтыны быгатозы.
Кун Кенешысь наукая, дышетонъя, культурая, йӧскалык но егитъёсын ужан политикая но спортъя комиссилэн кивалтӥсез Татьяна Ишматова Ижкарлэсь гимнзэ удмурт кылэ берыктыны ӵектӥз. Олег Бекмеметьев оскытӥз, та дэмлан рос-прос эскеремын луоз шуыса.
Содокладэн вераськыкуз, Кун Кенешлэн Тӧроезлэн воштӥсез, кунэз лэсьтонъя, интыысь аскивалтонъя но кышкыттэмлыкъя ялан ужась ӧрилэн кивалтӥсез Александр Прозоров пусйиз, муниципал огазеяськон Росси Азьмуртэн ӵектэм йӧскалык проектъёсты но «Большой ремонт» улосвыл ӵектосэз быдэсъянэ тыро-пыдо пыриське шуыса. Озьы Ижкарын 13 № школа-интернатлэн, пинал лётчикъёслэн Школазылэн, Надежда Крупская нимо библиотекалэн юртъёссы тупатъямын, нылпи садъёслэн но школаослэн укнооссы но липетъёссы вошъясько.
Кун Кенешлэн Тӧроез Владимир Невоструев Олег Бекмеметьевлы но солэн командаезлы пайдалыко ужамзы понна тау кариз. Ижкар умой пала воштӥське. Уноез быдэстэм ужрадъёс бырйисьёслэн депутатъёслы куронъёсазы пусйылэмын вал. Элькун парламентлэн спикерез азьланяз но тазьы валче ужаны ӧтьыса вазиськиз.
Ижкарез экономика но мерлыко удысъёсъя азинтонлэн 2019 арлы йылпумъянъёсыз но али мынӥсь ужъёс сярысь ивортӥз шоркарлэн Тӧроез Олег Бекмеметьев. 2018 арен ӵошатыса, миым карлэн бюджетаз ог 2 миллиард манетлы тросгес табыш вуиз, пусйиз со. 74 процентэз уксё мерлыко ужпумъёслы кутӥськиз. Кылем ар ӵоже муниципал коньдэтлэсь пунэмъёссэ одӥг миллиард манетлы кулэстыны луиз.
Али уж нуиське муниципал предприятиосын ваньбур поттонэз азинтон но выльдон бордын.
2019 арын 40 иськем шуныт ваись гумыос но 15 подстанциос выльдэмын, 2020 арын эшшо 36,5 иськем гумыосты тупатъяны кулэ.
Азьланьтӥське ву гумыосты выльдон. 2020 арын та ласянь кык поллы ятыргес ужъёс лэсьтэмын луозы, вераз Бекмеметьев. 2023-тӥ арлы ужъёслэн быдӟалазы эшшо кык поллы йылоз на.
Шоркарын экологиез умоятонъя, нылпи садъёсты но школаосты лэсьтонъя, сюресъёсты тупатъянъя но котырез тупатъянъя йӧскалык проектъёс быдэсъясько.
Баранов нимо урамын 220 интылы нылпи сад лэсьтэмын ини, кыкез Берш нимо урамын ӝутӥсько на. Ужкагазъёс дасясько Машиностроитель посёлокын нылпи садлы. Сӥзьыл Сельхозвыставка микрорайонын нылпи сад усьтӥськыны кулэ. Со «Жильё и городская среда» йӧскалык проект улсын лэсьтӥське.
2019 арын Леваневский урамын школа вуттэмын. 2020 арын А-10 микрорайонын, 2021 арлэн 1 кварталаз – Берш урамын 1224 интылы выль школаос усьтӥськыны кулэ.
Со сяна, миым Ижкарысь 56 но 74 № школаос бордын стадионъёс, ГТО куронъёсты сётонъя 4 площадкаос лэсьтэмын. 2020 арын выль стадионъёссы луозы 35 но 17 № школаосын дышетскисьёслэн. Та дыре Устинов ёросын спортъя дворец лэсьтыны кагазъёсты дасяло, 2021 арын Ухтомский урамын физкультурая огъет ӝутӥськоз.
«Жильё и городская среда» проект улсын Ижкарын кӧня ке скверъёс усьтэмын, тупатъямын Шор площадь, выльдэмын азбаръёс. «Кышкыттэмлыко сюресъёс» проектъя 2019 арын 27 сюрес тупатъямын. 2020 арын эшшо 23 сюресъёсты выльдыны кулэ на. 2021 арын мерлыко огазеяськонъёсын ӵош 20 сюрес люкетъёсты лэсьтыны чакламын.
Нимысьтыз саклык висъяськиз Ижкарлэн нуналэзлы но Россилэн нуналэзлы сӥзем ужрадъёслы. Коронавируслэн пандемиез карын улӥсьёс понна воштӥськонъёс ваиз ке но, праздниклы сӥзем ужрадъёс азьвыл сямен ик 3 нунал ӵоже кыстӥськозы, ивортӥз Тӧро. Соос Азбарлэн нуналэз, Ёрослэн нуналэз но Карлэн нуналэз шуыса люкиськозы. Вань праздник ужрадъёс люкамын 260.izh.ru сайтэ. Татчы ик мылкыд карисьёс праздникез пусъёнъя асьсэлэсь ӵектонъёссэс кельтыны быгатозы.
Кун Кенешысь наукая, дышетонъя, культурая, йӧскалык но егитъёсын ужан политикая но спортъя комиссилэн кивалтӥсез Татьяна Ишматова Ижкарлэсь гимнзэ удмурт кылэ берыктыны ӵектӥз. Олег Бекмеметьев оскытӥз, та дэмлан рос-прос эскеремын луоз шуыса.
Содокладэн вераськыкуз, Кун Кенешлэн Тӧроезлэн воштӥсез, кунэз лэсьтонъя, интыысь аскивалтонъя но кышкыттэмлыкъя ялан ужась ӧрилэн кивалтӥсез Александр Прозоров пусйиз, муниципал огазеяськон Росси Азьмуртэн ӵектэм йӧскалык проектъёсты но «Большой ремонт» улосвыл ӵектосэз быдэсъянэ тыро-пыдо пыриське шуыса. Озьы Ижкарын 13 № школа-интернатлэн, пинал лётчикъёслэн Школазылэн, Надежда Крупская нимо библиотекалэн юртъёссы тупатъямын, нылпи садъёслэн но школаослэн укнооссы но липетъёссы вошъясько.
Кун Кенешлэн Тӧроез Владимир Невоструев Олег Бекмеметьевлы но солэн командаезлы пайдалыко ужамзы понна тау кариз. Ижкар умой пала воштӥське. Уноез быдэстэм ужрадъёс бырйисьёслэн депутатъёслы куронъёсазы пусйылэмын вал. Элькун парламентлэн спикерез азьланяз но тазьы валче ужаны ӧтьыса вазиськиз.